ସତ୍ୟଶିଖା ୧୩/୦୯/୨୦୨୫: ଶନିବାର (ସେପ୍ଟେମ୍ବର ୧୩)ରେ ରୁଷିଆର କାମଚଟକା ଅଞ୍ଚଳର ପୂର୍ବ ଉପକୂଳ ନିକଟରେ ୭.୪ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଆମେରିକାର ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ଭୂମିକମ୍ପର ଗଭୀରତା ୧୦ କିଲୋମିଟର (୬.୨ ମାଇଲ) ଥିଲା। ଏହି ଭୂମିକମ୍ପ ପରେ ଆମେରିକା ସୁନାମି ସତର୍କତା ବ୍ୟବସ୍ଥା ସୁନାମି ଆଶଙ୍କା ଜାରି କରିଛି।
GFZ ରିପୋର୍ଟ ଅନୁଯାୟୀ, ଭୂମିକମ୍ପର କେନ୍ଦ୍ରସ୍ଥଳ କାମଚଟକାର ପୂର୍ବ ଉପକୂଳ ନିକଟରେ ଥିଲା। ପ୍ରଶାନ୍ତ ମହାସାଗର ସୁନାମି ସତର୍କତା କେନ୍ଦ୍ର ସତର୍କ କରାଇଛି ଯେ ଭୂମିକମ୍ପ କେନ୍ଦ୍ରଠାରୁ ୩୦୦ କିଲୋମିଟର (୧୮୬ ମାଇଲ) ଦୂରତା ପର୍ଯ୍ୟନ୍ତ ଉପକୂଳ ଅଞ୍ଚଳରେ ବିପଦପୂର୍ଣ୍ଣ ଜୁଆର ଉଠିପାରେ।
ଭୂମିକମ୍ପ ପରେ ତୁରନ୍ତ ଆମେରିକା ସୁନାମି ୱାର୍ଣ୍ଣି ସିଷ୍ଟମ୍ ସୁନାମି ଆଶଙ୍କା ଜାରି କରିଛି। ସ୍ଥାନୀୟ ପ୍ରଶାସନ ଏବଂ ବିପର୍ଯ୍ୟୟ ପରିଚାଳନା ଦଳଗୁଡ଼ିକୁ ସତର୍କ କରାଯାଇଛି । ଏହା ସହ ଉପକୂଳ ଅଞ୍ଚଳରେ ରହୁଥିବା ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ପରାମର୍ଶ ଦିଆଯାଇଛି।
