ରାଜ୍ୟରେ କରୋନା ନେଲା ୨ ଶିଶୁ କନ୍ୟାଙ୍କ ଜୀବନ

ସତ୍ୟଶିଖା(ଭୁବନେଶ୍ୱର ) ୨୭.୦୮ .୨୦୨୧:  ଦିନକୁ ଦିନ ୧୮ ବର୍ଷରୁ କମ ବୟସ ବର୍ଗର ପିଲାମାନେ ଅଧିକ ମାତ୍ରାରେ କରୋନା ସଂକ୍ରମିତ ହେଉଛନ୍ତି । ଏହାରି ଭିତରେ ଆଜି ରାଜ୍ୟରେ କରୋନାରେ ଦୁଇ ଶିଶୁ କନ୍ୟାଙ୍କ ମୃତୁ୍ୟ ଘଟିଥିବା ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି । ସେମାନଙ୍କ ମଧ୍ୟରୁ ଜଣେ ୫ ମାସର ଶିଶୁ ରହିଥିବା ବେଳେ ଆଉ ଜଣେ ଶିଶୁ କଟକ ଜିଲ୍ଲାର ଥିବା ଜଣା ପଡିଛି । ସୂଚନା ଅନୁସାରରେ ୫ମାସର ଶିଶୁ କନ୍ୟାର ହୃଦରୋଗ ଜନିତ ସମସ୍ୟା ଥିବା ଜଣା ପଡିଛି । ସୂଚନା ଯୋଗ୍ୟ ଯେ ଗତ ୨୪ ଘଣ୍ଟାରେ ରାଜ୍ୟରେ ୮୧୬ କାରୋନା ପଜିଟିଭ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୪୭୫ ଜଣ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମଣ ୩୪୧ ରହିଛି । ସୂଚନା ଓ ଲୋକ ସମ୍ପର୍କ ବିଭାଗର ରିପୋଟେ ଅନୁସାରେ ଅନୁଗୁଳରୁ ୧୩ ଜଣ, ବାଲେଶ୍ୱରରୁ ୪୬, ବରଗଡରୁ ୧୩, ଭଦ୍ରକରୁ ୯, କଟକରୁ ୧୧୬, ଦେବଗଡରୁ ୧୩, ଢେଙ୍କାନାଳରୁ ୧୯, ଗଞ୍ଜାମରୁ ୯, ଜଗତସିଂହପୁରରୁ ୩୪, ଯାଜପୁରରୁ ୩୧, ଝାରସୁଗୁଡାରୁ ୧, କଳାହାଣ୍ଡିରୁ ୪, କନ୍ଧମାଳରୁ ୩, କେନ୍ଦ୍ରାପଡାରୁ ୨୯, କେନ୍ଦୁଝରରୁ ୧୬, ଖୋର୍ଦ୍ଧାରୁ ୨୯୧, କୋରାପୁଟରୁ ୫, ମାଲକାନାଗିରିରୁ ୪, ମୟୂରଭଞ୍ଜରୁ ୨୭, ନୟାଗଡରୁ ୧୨, ନୂଆପଡାରୁ ୧, ପୁରୀରୁ ୨୦, ରାୟଗଡାରୁ ୧, ସମ୍ବଲପୁରରୁ ୧୮, ସୁନ୍ଦରଗଡରୁ ୧୬ ଓ ରାଜ୍ୟପୁଲରୁ ୬୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୧୦୬ ଜଣ ୧୮ ବର୍ଷରୁ କମ ପିଲା ପଜିଟିଭ ରହିଛନ୍ତି ।