ସତ୍ୟଶିଖା (ରୁଷ) ୧୩/୧୦/୨୦୨୦ : ରୁଷ ଓ ଆମେରିକାର ନଜର ଏବେ ବିଶ୍ୱର ସବୁଠୁ ଥଣ୍ଡା ସ୍ଥାନ ଆର୍କଟିକ ଇଲାକା ଉପରେ । ଏବେ ଏ ଦୁଇ ମହାନ ଶକ୍ତିଶାଳୀ ଦେଶଙ୍କର ଏହା ବିବାଦର କେନ୍ଦ୍ର ହେବାରେ ଲାଗିଛି । ଆମେରିକା ଓ ନରୱେର ପଦକ୍ଷେପ ଯୋଗୁ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ମଧ୍ୟ ସତର୍କ ହୋଇଯାଇଛନ୍ତି । ନରୱେ ଆର୍କଟିକ ଇଲାକାରେ ଶୀତଳ ଯୁଦ୍ଧ ସମୟର ପରମାଣୁ ସବମରିନ ବେସକୁ ପୁଣି ଥରେ ଆରମ୍ଭ କରି ଦିଆଯାଇଛି । ଆମେରିକା ତରଫରୁ ନରୱେ ଉପରେ ଚାପ ଥିଲା ଯେ ଆର୍କଟିକ୍ ଇଲାକାରେ ରୁଷ ଚାଲେଞ୍ଜରୁ ମୁକୁଳିବା ପାଇଁ ଏହି ସ୍ଥାନକୁ ଖୋଲାଯାଉ ।
ନରୱେର ଏହି ପରମାଣୁ ସ୍ଥାନରେ ଆମେରିକାର ୩ଟି ସିବୁଲ୍ଫ ସବମରିନ ମୁତୟନ ହେବେ । ଆମେରିକା ଓ ରୁଷର ନଜର ଆର୍କଟିକ ଇଲାକା ଉପରେ ଅଛି । ଆମେରିକା ଓ ରୁଷ ମଧ୍ୟରେ ବିବାଦ ବଢ଼ୁଥିବା ଯୋଗୁ ନରୱେ ସରକାର ଘୋଷଣା କରିଛନ୍ତି ସେ ଦେଶର ଉତ୍ତର ଇଲାକାରେ ଥିବା ପରମାଣୁ ବେସ ଓଲାବସବେର୍ନକୁ ଖୋଲିବାକୁ ଯାଉଛନ୍ତି । ଏହି ସ୍ଥାନ ୧୮ ବର୍ଷ ହେବ ବନ୍ଦ ରହିଥିଲା। ଏହି ସ୍ଥାନରେ ୯ ହଜାର ୮୦୦ ଫୁଟ୍ ୱାଟର ଡକ୍ ଅଛି ଯେଉଁଠି ପରମାଣୁ ସବମରିନର ମରାମତି ଓ ରି-ଫିଟ୍ କରାଯାଇପାରିବ । ଏହାକୁ ଖୋଲିବା ଦ୍ୱାରା ଆମେରିକାର ପନଡୁବ୍ବିୟାକୁ ଅପରେଟ୍ କରିବା ସହଜ ହୋଇଯିବ ।
ନରୱେର ନାସନାଲ ବ୍ରଡକାଷ୍ଟର ଏନପିକେ କହିଛନ୍ତି ଏହି ପରମାଣୁ ସ୍ଥାନକୁ ଏମିତି ଏକ ସମୟରେ ଖୋଲା ଯାଉଛି ଯେତେବେଳେ ଏହି କ୍ଷେତ୍ରରେ ରୁଷ କାର୍ଯ୍ୟକଳାପକୁ ନେଇ ଚିନ୍ତା ବଢ଼ିଛି । ନରୱେର ଏହି ସ୍ଥାନ ରୁଷ ସୀମାରୁ ମାତ୍ର ୨୨୦ କିଲୋମିଟର ଦୂରରେ ଅଛି । ଏହି ପ୍ରକାରେ ଏହା ପଶ୍ଚିମ ଦେଶକୁ ରୁଷକୁ ଘେରିବା ବା ମସ୍କୋକୁ କୌଣସି ଆକ୍ରମଣାତ୍ମକ କାର୍ଯ୍ୟର କଡ଼ା ଜବାବ ଦେବାର ଉପଯୁକ୍ତ ସ୍ଥାନ ।
ନରୱେର ଏହି ପରମାଣୁ ସ୍ଥାନକୁ ଆହୁରି ଉନ୍ନତ କରାଯିବ। ବ୍ରିଟିଶ ନୌସେନା ଅଧିକାରୀ ଏଡମିରଲ ଟୋନି ରଡକିନ୍ ଚେତାବନୀ ଦେଇଛନ୍ତି ଯେ ଚୀନ ଓ ରୁଷ ଖୁବ ଶୀଘ୍ର ଆର୍କଟିକ ସମୁଦ୍ରକୁ ନଷ୍ଟ କରିପାରନ୍ତି । ସେ କହିଛନ୍ତି ଜଳବାୟୁ ପରିବର୍ତନ ଯୋଗୁ ସବୁବେଳେ ବନ୍ଦ ଥିବା ରାସ୍ତା ତରଳୁଛି । ଯଦ୍ଦ୍ବାରା ନୌସେନାଙ୍କ ରାସ୍ତା ଫିଟୁଛି । ଏହି ରାସ୍ତା ଖୋଲିବା ପରେ ଏବେ ଚୀନ ଓ ରୁଷ ଜାହାଜ ବ୍ରିଟେନ ପର୍ଯ୍ୟନ୍ତ ସହଜରେ ଆସିପାରିବେ ।
