ଅପରାଧରାଜ୍ୟ

ସୌମ୍ୟରଞ୍ଜନ ମୃତ୍ୟୁ ରହସ୍ୟ: କ୍ରାଇମବ୍ରାଞ୍ଚର ୫୦ରୁ ଅଧିକ ପ୍ରଶ୍ନର ସମ୍ମୁଖୀନ ହେଲେ ରୋଷେୟା

ସତ୍ୟଶିଖା(ଗଜପତି ) ୧୭.୦୮ .୨୦୨୧:  କ୍ରାଇମବ୍ରାଞ୍ଚ ଟିମ୍ ର ପାରଳାଖେମୁଣ୍ଡି ଗସ୍ତର ଚତୁର୍ଥ ଦିନ । ମଙ୍ଗଳବାର ମଧ୍ୟ କିଛି ବନ କର୍ମଚାରୀଙ୍କୁ ପଚରାଉଚରା କରିବ । ରୋଷାୟାକୁ ପୁଣି ଥରେ କରିପାରେ ଜେରା । ଘଟଣାକ୍ରମ ଅନୁସାରେ ତଦନ୍ତକୁ ଆଗକୁ ନେଉଛି କ୍ରାଇମବ୍ରାଞ୍ଚ ।

କ୍ରାଇମବ୍ରାଞ୍ଚର ପ୍ରଶ୍ନ ବାଣରେ ରୋଷେୟା ଘାଇଲା । କେତେଥର ଆସିଛନ୍ତି ଡିଏଫ୍ଓ, କେଉଁ କେଉଁ ସମୟରେ ଆସୁଥିଲେ, ଏସିଏଫ ଉପସ୍ଥିତିରେ ନା ଅନୁପସ୍ଥିତିରେ, ମଦ ମାଂସର ଆସର ଜମୁଥିଲା କି, ଆଉ କିଏ କିଏ ଆସୁଥିଲେ ସୌମ୍ୟଙ୍କ ଘରକୁ ଏମିତି ୫୦ରୁ ଅଧିକ ପ୍ରଶ୍ନ କରିଛନ୍ତି କ୍ରାଇମବ୍ରାଞ୍ଚ ଅଧିକାରୀ । ତାଙ୍କ ଭୂମିକାଙ୍କୁ ସନ୍ଦେହ କରି ପୁଣି ଥରେ ରୋଷେୟାଙ୍କୁ ପୁଣି ଡାକିପାରେ କ୍ରାଇମବ୍ରାଞ୍ଚ ।

ସେପଟେ ଘଟଣା କ୍ରମ ଅନୁଯାୟୀ ପରବର୍ତ୍ତୀ ପାଳି ଆସିବ ଚିକିତ୍ସାଳୟ ପରିସରରେ ଉପସ୍ଥିତ ରହିଥିବା ବ୍ୟକ୍ତିମାନଙ୍କର, କିଭଳି ଅବସ୍ଥାରେ ଅଣାଯାଇଥିଲା ଚିକିତ୍ସା ପାଇଁ କେତେ ସମୟ ଅପେକ୍ଷା କରିବା ପରେ ଚିକିତ୍ସା ହୋଇଥିଲା, ମୃତ୍ୟୁକାଳୀନ ଜମାନବନ୍ଦୀ ବୟାନ କେଉଁ ଅବସ୍ଥାରେ ରେକର୍ଡ କରାଯାଇଛି । କିଏ କିଏ ଉପସ୍ଥିତ ରହିଥିଲେ । ଆଉ ସବୁଠୁ ବଡ କଥା ହେଲା କ୍ରାଇମବ୍ରାଞ୍ଚର ସନ୍ଦେହ ମେଡିକାଲ ପରିସରରୁ ହିଁ ପ୍ରମାଣ ନଷ୍ଟ ପାଇଁ ଯୋଜନା ହୋଇଛି  କି ? ସେହି ସମୟ ହିଁ ସବୁଠାରୁ ଅଧିକ ଗୁରୁତ୍ବପୁର୍ଣ୍ଣ ରହିଥିଲା ।

Show More
Back to top button