ବାୟୁସେନାରେ ଖୁବଶୀଘ୍ର ସାମିଲ ହେବ ଆଉ ୩ ରାଫେଲ୍

ସତ୍ୟଶିଖା (ନୂଆଦିଲ୍ଲୀ) ୪/୧୧/୨୦୨୦ : ଆହୁରି ଶକ୍ତିଶାଳୀ ହେବ ଭାରତୀୟ ବାୟୁସେନା । ପ୍ରଥମେ ୫ଟି , ଏବେ ଆଉ ୩ଟି ରାଫେଲ ବିମାନ ଆସୁଛି । ଭାରତୀୟ ବାୟୁସେନାରେ ଆଜି ସାମିଲ ହେବ ୩ଟି ରାଫେଲ୍ ଯୁଦ୍ଧବିମାନ ।ଏହି ୩ଟି ରାଫେଲ୍ ଯୁଦ୍ଧ ବିମାନ ଫ୍ରାନ୍ସରୁ ଭାରତ ଆସିବ । ଏସବୁ ଯୁଦ୍ଧବିମାନ ଫ୍ରାନସରୁ ସିଧାସଳଖ ଗୁଜରାଟର ଜାମନଗର ପହଞ୍ଚିବ । ଏସବୁ ବିମାନ ସହ ରହିବ ଫ୍ରାନ୍ସ ଏୟାରଫୋର୍ସର ମିଡ୍ ଏୟାର ରିଫୁଏଲିଂ ଏୟାରକ୍ରାଫ୍ଟ । ରାଫେଲ ବିମାନ ଉଡାଇ ଆଣିବା ଲାଗି ଭାରତୀୟ ବାୟୁସେନା ପାଇଲଟଙ୍କୁ ବିଧିବଦ୍ଧ ତାଲିମ ଦିଆଯାଇଛି ।ଏହି ୩ଟି ବିମାନ ଆସିବା ପରେ ଭାରତର ମୋଟ ୮ଟି ରାଫେଲ୍ ବିମାନ ହୋଇଯିବ । ଜୁଲାଇ ୨୯ରେ ଭାରତକୁ ୫ଟି ରାଫେଲ ଯୁଦ୍ଧ ବିମାନ ଆସିଥିଲା । ୧୦ ସେପ୍ଟେମ୍ବରରେ ଆମ୍ବାଲା ଏୟାରପୋର୍ଟରେ ସ୍ବତନ୍ତ୍ର କାର୍ଯ୍ୟକ୍ରମରେ ରାଫେଲକୁ ବାୟୁସେନାରେ ସାମିଲ କରାଯାଇଥିଲା ।