ସତ୍ୟଶିଖା (ଚଣ୍ଡିଗଡ଼) ୧୭/୧୧/୨୦୨୦ : ଅଭିନେତା ସୋନୁ ସୁଦଙ୍କୁ ନିର୍ବାଚନ ଆୟୋଗ ପଞ୍ଜାବ ରାଜ୍ୟର ଆଇକନ୍ ନିଯୁକ୍ତ କରିଛନ୍ତି । ଏହି ସୂଚନା ସୋମବାର ଏଠାରେ ଜାରି ଏକ ଆଧିକାରିକ ବୟାନରେ ଦିଆଯାଇଛି । ବୟାନରେ ପଞ୍ଜାବର ନିର୍ବାଚନ ଅଧିକାରୀ ଏସ୍ କରୁଣା ରାଜୁ କହିଛନ୍ତି ଯେ ତାଙ୍କ କାର୍ଯ୍ୟାଳୟ ଭାରତ ନିର୍ବାଚନ ଆୟୋଗକୁ ଏହି ସମ୍ବନ୍ଧରେ ଏକ ପ୍ରସ୍ତାବ ପଠାଇଥିଲେ ଯାହାକୁ ମଞ୍ଜୁରୀ ମିଳିଯାଇଛି ।
ଦେବରିଆର ଜଣେ ଛାତ୍ର କମ୍ପ୍ୟୁଟର ଇଞ୍ଜିନିୟର ହୋଇ ମାଆଙ୍କ ସ୍ବପ୍ନକୁ ପୂରଣ କରିବାକୁ ଚାହୁଁଥିଲେ କିନ୍ତୁ ତାଙ୍କ ଦାରିଦ୍ର୍ୟ ତାଙ୍କ ପାଠପଢ଼ା ମଝିରେ ଅନ୍ତରାୟ ସୃଷ୍ଟି କରୁଥିଲା । ଏବେ ସୋନୁ ସୁଦ ଛାତ୍ରଙ୍କର ଇଞ୍ଜିନିୟରିଂ ର ପୂରା ଖର୍ଚ୍ଚ କରିବାର ଦାୟିତ୍ବ ନେଇଛନ୍ତି । ସୋନୁ ଛାତ୍ରଙ୍କୁ କହିଥିଲେ ଯେ ମମ୍ମିଙ୍କୁ କହିବ ତୁମ ପୁଅ ଇଞ୍ଜିନିୟର ହେଉଛି ।