ସତ୍ୟଶିଖା( ନୂଆଦିଲ୍ଲୀ )୧୯.୦୭ . ୨୦୨୨: ମାଡ଼ି ଆସୁଛି ସୌର ଝଡ଼। ପୃଥିବୀ ପୃଷ୍ଟ ଆଡ଼କୁ ଆସୁଛି ଏକ ବିଶାଳ ଓ ଭୟଙ୍କର ସୌର ଝଡ଼। ଯାହା ବିଶ୍ୱର ସାଟେଲାଇଟ୍ ସିଷ୍ଟମ୍କୁ ପ୍ରଭାବିତ କରିପାରେ। ନାସା ପକ୍ଷରୁ ଏନେଇ ପୂର୍ବାନୁମାନ କରାଯାଇଛି।
ବାୟୁ ମଣ୍ଡଳରେ ପ୍ରବେଶ କରିବା ପରେ ଏହା ମାଗନେଟିକ୍ ଫିଲ୍ଡକୁ ପ୍ରଭାବିତ କରିପାରେ। ବିଶେଷ ଭାବେ ସାଟେଲାଇଟ୍ ନେଟୱର୍କ, ଜିପିଏସ୍ ସିଷ୍ଟମ୍, ସାଟେଲାଇଟ୍ ଟିଭି ଏବଂ ରେଡିଓ ଚଳାଚଳକୁ ପ୍ରଭାବିତ କରିପାରେ। ଏଥିସହ ଚୁମ୍ବକୀୟ କ୍ଷେତ୍ରରେ ପ୍ରଭାବ ପୃଥିବୀ ଉପରେ ପଡିପାରେ ଓ ସିଗ୍ନାଲ ବନ୍ଦ ହାଇଯାଇପାରେ ବୋଲି ଅନ୍ତରୀକ୍ଷ ପାଣିପାଗ ବିଶେଷଜ୍ଞ ଡା. ତମିଥା ସ୍କୋଭ ପ୍ରକାଶ କରିଛନ୍ତି।
