ସତ୍ୟଶିଖା (ବାଲେଶ୍ୱର) ୨୯/୦୧/୨୦୨୧ : ଖଇରା ବ୍ଲକ, ଝିଙ୍କିରିଆ ଗ୍ରାମପଂଚାୟତ , ଭୋଗପୁର ଗ୍ରାମର ସମାଜସେବୀ ମୃତ୍ୟୁଞ୍ଜୟ ପାଣିଗ୍ରାହୀ (୫୯), ପିତା -ସ୍ବର୍ଗତ ଗୋପୀନାଥ ପାଣିଗ୍ରାହୀ ତା -୨୭-୦୧-୨୦୧୧-ରିଖ ସନ୍ଧ୍ୟା ୮.୧୦ମିନିଟ ସମୟରେ ହୃଦଘାତ ରେ ପରଲୋକ ଘଟିଛି l ସେ ଜଣେ ମିଷ୍ଟଭାଷୀ, ପରୋପକାରୀ ମଣିଷ ଥିଲେ ଏବଂ ବିଜୁ ଜନତା ଦଳ ର ଜଣେ ସକ୍ରିୟ କର୍ମୀ ଥିଲେ l ଧବଳେଶ୍ୱର ମହାଦେବ କମିଟି ରେ ସଭାପତି ଥିଲେ l ମନ୍ଦିର ର ଉନ୍ନତିକରଣ ପାଇଁ ଦୁଇ ମାସ ହେବ ପ୍ରଚେଷ୍ଟା ଆରମ୍ଭ କରିଥିଲେ l ମୃତ୍ୟୁବେଳକୁ ତାଙ୍କ ପାଖରେ ତାଙ୍କ ସ୍ତ୍ରୀ, ଦୁଇ ଝିଅ, ପୁତୁରା ନିରଞ୍ଜନ ପାଣିଗ୍ରାହୀ,ଚିତ୍ତରଞ୍ଜନ ପାଣିଗ୍ରାହୀ, କାଁହୁ ଚରଣ ପାଣିଗ୍ରାହୀ, ମଧୁସୂଦନ ପାଣିଗ୍ରାହୀ, ନାତି ମୁକ୍ତିକାନ୍ତ ପାଣିଗ୍ରାହୀ (ବାଲାଜୀ ) ଉପସ୍ଥିତ ଥିଲେ l ତାଙ୍କ ମୃତ୍ୟୁ ରେ ଝିଙ୍କିରିଆ ଗ୍ରାମପଂଚାୟତ, ସାରଡାଙ୍ଗ, ମାଣିତ୍ରି, ଅଡା, ଈଶ୍ୱରପୁର, ସବଙ୍ଗ, ଡୁଙ୍ଗୁରା ଗ୍ରାମପଂଚାୟତ ରେ ଶୋକ ର ଛାୟା ଖେଳିଯାଇଛି l ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ, ପୂର୍ବତନ ମନ୍ତ୍ରୀ ପଦ୍ମଲୋଚନ ପଣ୍ଡା ଓ ଅନ୍ୟାନ୍ୟ ବିଶିଷ୍ଠ ବ୍ୟକ୍ତି ଗଭୀର ଶୋକ ପ୍ରକାଶ କରିବା ସହିତ ଶୋକ ସନ୍ତପ୍ତ ପରିବାର କୁ ଧର୍ଯ୍ୟ ଦେବାପାଇଁ ଭଗବାନ ଙ୍କ ନିକଟରେ ପ୍ରାର୍ଥନା କରିଥିଲେ l
