କଅଁଳ ବୟସରେ ଇରଫାନଙ୍କ କ୍ରିକେଟ ନିଶା

ଗୋପ ବ୍ଲକ ଅନ୍ତର୍ଗତ କୁସୁପୁର ସଂଖ୍ୟାଲଘୁ ବସ୍ତିରେ ବାସ କରୁଥିବା ଅମିନ ଖାନ୍ନ ଓ ସୁନା ବିବିଙ୍କର ଏକ ମାତ୍ର ପୁଅ ଇରଫାନ ଖାନ। ଷଷ୍ଠ ଶ୍ରେଣୀରେ ଅଧ୍ୟୟନ କରୁଥିବା ବେଳେ ବାପା ଏକ ମୋଟର ମେକାନିକ ଭାବେ କାର୍ଯ୍ୟ କରୁଛନ୍ତି। ଏକ ସାମାନ୍ୟ ପରିବାରରେ ଇରଫାନ ଜନ୍ମଗ୍ରହଣ କରିଥିଲେ ମଧ୍ୟ ଦୁଇ ବର୍ଷ ବୟସରେ ତାଙ୍କର କ୍ରିକେଟ ପ୍ରତି ଅହେତୁକ ଆଗ୍ରହ ଯୋଗୁ ନିଜ ପିତାଙ୍କ ପ୍ରୋତ୍ସାହନରେ କ୍ରିକେଟ ଖେଳକୁ ସେ ଆଦରି ନେଇଛନ୍ତି । ଦିନକୁ ଦୁଇ ଟାଇମ ବାପାଙ୍କ ସହିତ ଅଭ୍ୟାସ କରୁଥିବାବେଳେ ସାହି ପିଲାଙ୍କ ସହିତ ଚାରି ଘଣ୍ଟା ଲେଖାଏଁ ଅଭ୍ୟାସ କରୁଛନ୍ତି । ଏତେ ଛୋଟ ବେଳୁ ବ୍ୟାଟ ଓ ବଲର ନିୟନ୍ତ୍ରଣ କରି ପଡ଼ିଆର ବିଭିନ୍ନ ଦିଗକୁ ଅତି ସୁନ୍ଦର ଷ୍ଟ୍ରେଟ ଡାଇଭ ମାରି ସମସ୍ତଙ୍କ ମନ ଜିଣିପାରିଛନ୍ତି । ବିରାଟ କୋହଲିଙ୍କୁ ନିଜର ଆଦର୍ଶ ମାନିଥିବା ଇରଫାନ ଭବିଷ୍ୟତରେ ଦେଶପାଇଁ ଖେଳିବାକୁ ଆଶାରଖିଛନ୍ତି ।

ଏତେ କଅଁଳ ବୟସରୁ ଇରଫାନଙ୍କ କ୍ରିକେଟ ଖେଳ ଦେଖି ଅଞ୍ଚଳ ବାସୀଙ୍କ ତରଫରୁ ଅନେକ ପ୍ରଶଂସାର ସୁଅ ଛୁଟୁଛି I ଗୋପ ଅଞ୍ଚଳରେ ଖେଳ ଓ ଖେଳାଳିଙ୍କ ବିକାଶ ନିମନ୍ତେ ଯେଉଁଭଳି ଭିତ୍ତିଭୂମିର ଆବଶ୍ୟକତା ତାହା ନାହିଁ ଯଦ୍ବାରା ବଣମଲ୍କି ବଣରେ ଫୁଟି ମଉଳି ଯାଉଛି I ଯଦି ପ୍ରୋତ୍ସାହନ ମିଳେ ତେବେ ଇରଫାନ ଆଗାମୀ ଦିନରେ ଆମ ରାଜ୍ୟ ଓ ଦେଶ ପାଇଁ ନା ରଖିପାରିବ ବୋଲି ସ୍ଥାନୀୟବାସୀନ୍ଦା କହିଛନ୍ତି।

ଆଗ୍ରହ ଓ ଇଚ୍ଛାଶକ୍ତି ଆଗରେ ହାର ମାନିଛି ବୟସ I କଅଁଳ ବୟସରେ କ୍ରିକେଟ ଭଳି କଷ୍ଟସାଧ୍ୟ ଖେଳକୁ ଆପଣାର କରିପାରିଛନ୍ତି ଇରଫାନ I ଭବିଷ୍ୟତରେ ଭାରତ ପାଇଁ ଖେଳିବାର ଲକ୍ଷ୍ୟ ରଖିଛନ୍ତି ଇରଫାନ। ସରକାରୀ ସ୍ତରରେ ଇରଫାନକୁ ପ୍ରୋତ୍ସାହନ ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଛି I