ମଦ ବୋତଲ ଖୋଲୁ ଖୋଲୁ ବାହାରିଲା ମଲା ଅସରପା


ସତ୍ୟଶିଖା (ଭଦ୍ରକ) ୪/୧୧/୨୦୨୦ : ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଚୂଡ଼ାମଣିର ଶାଶୁଭୁଆସୁଣୀ ଜେଟି ନିକଟରେ ରାସ୍ତା କଡ଼ରେ ଥିବା ବିଦେଶୀ ଠିପି ବନ୍ଦ ସରକାରୀ ମଦ ଦୋକାନରେ ତୀବ୍ର ଉତ୍ତେଜନା ପ୍ରକାଶ ପାଇଛି । ରବିବାର ଅପରାହ୍ନ ସମୟରେ ସ୍ଥାନୀୟ ଅଂଚଳର ଦୁଇ ଜଣ ଯୁବକ ଉକ୍ତ ମଦ ଦୋକାନରୁ ଦୁଇଟି ମଦ ବୋତଲ କିଣିଥିଲେ । ବୋତଲ ଖୋଲି ଦେଖିଲା ବେଳକୁ ବୋତଲ ଭିତରେ ମଲା ଅସରପା ଦେଖିବାକୁ ମିଳିଥିଲା । ଏ ନେଇ ଲିଖିତ ଏତଲା ଦିଆଯାଇଛି । ଦୋକାନରେ ମିଶ୍ରଣ ହେଉଥିବା ସନ୍ଦେହ କରି ଦୋକାନ କର୍ମଚାରୀଙ୍କୁ ପଚାରିବାରୁ କର୍ମଚାରୀ ନିଜ ଦୋକାନ ଭିତରେ ଥିବା ମିଶ୍ରଣ ମଦକୁ ନିଜେ ବାଡେଇ ଭାଙ୍ଗି ଦେଇଥିବାର ଲୋକମାନେ ଅଭିଯୋଗ କରିଛନ୍ତି । ସ୍ଥାନୀୟ ମହିଳାମାନଙ୍କର କହିବା କଥା ଯେ, ମଦ ପିଇ କିଛି ଲୋକ ଅଶ୍ଳୀଳ ଗାଳିଗୁଲଜ କରୁଛନ୍ତି । ତେଣୁ ରାସ୍ତା ପାଖରେ ମଦ ଦୋକାନ ହେଇଥବାରୁ ଝିଅ ବୋହୁ ଯିବା ଆସିବା କରିବା ଅସମ୍ଭବ ହେଉଛି । ବାସୁଦେବପୁର ଅବକାରୀ ଅଫିସ ନାମକୁ ମାତ୍ର ଥିଲା ବେଳେ କାର୍ଯ୍ୟ ଶୂନ । ଚୂଡ଼ାମଣି ସାମୁଦ୍ରିକ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରି ଘଟଣା ଉପରେ ନଜର ରଖିଛି ।