ସତ୍ୟଶିଖା (ମୁମ୍ବାଇ) ୦୭.୧୦.୨୦୨୦ : ବଲିଉଡ ସୁପର ଷ୍ଟାର ସିଙ୍ଗର ନେହା କକ୍କଡ଼ ତାଙ୍କ ବଏଫ୍ରେଣ୍ଡ ରୋହନପ୍ରୀତ ସିଂହଙ୍କୁ ବାହା ହେବେ । ରୋହନ ପ୍ରୀତ ମ୍ୟୁଜିକ ରିୟଲିଟି ଶୋ’ ‘ଇଣ୍ଡିଆଜ ରାଇଜିଂ ଷ୍ଟାର’ର ସିଜନ ୨ରେ ପ୍ରଥମ ରନର-ଅପ୍ ଥିଲେ । ତେବେ ଶେହନାଜ ଗିଲଙ୍କ ‘ମୁଝସେ ଶାଦି କରୋଗେ’ ଶୋ’ରେ ରୋହନପ୍ରୀତ ନଜର ଆସିବା ପରେ ସେ ଅଧିକ ଚର୍ଚାକୁ ଆସିଥିଲେ । ସୂତ୍ର ଅନୁସାରେ ଦୁହେଁ ଚଳିତମାସ ୨୪ ତାରିଖରେ ବାହା ହେବେ । ଏହା ସହ ଲକଡାଉନ ବାହାଘରକୁ ନେଇ ରୋହନ ଓ ନେହାଙ୍କର ଏକ ମ୍ୟୁଜିକ ଭିଡିଓ ମଧ୍ୟ କିଛି ଦିନ ତଳେ ରିଲିଜ ହୋଇଛି । ସେହି ଗୀତକୁ ନେହା ସାମାଜିକ ଗଣମାଧ୍ୟମରେ ବହୁ ମାତ୍ରାରେ ପ୍ରମୋଶନ କରିଥିଲେ । ସେ ତାଙ୍କ ଇନଷ୍ଟା-ଷ୍ଟୋରିରେ ଏହି ଗୀତର ପ୍ରମୋଶନ କରିଥିଲେ । ତେବେ ନେହାଙ୍କ ସହ ବାହାଘରକୁ ନେଇ ରୋହନଙ୍କ ଠଶରୁ ଏ ଯାଏଁ କିଛି ପ୍ରତିକ୍ରିୟା ମିଳିପାରି ନାହିଁ ।
ରୋହନପ୍ରୀତଙ୍କୁ ବାହା ହେବେ ସିଙ୍ଗର ନେହା କକ୍କଡ଼, ଅକ୍ଟୋବର ୨୪ରେ ବାହାଘର l
