ସତ୍ୟଶିଖା (ଭୁବନେଶ୍ୱର) ୧୨/୦୧/୨୦୨୧ : ସୋଆ ପ୍ରତିଷ୍ଠାତା ପ୍ରଫେସର ଡ. ମନୋଜ ରଞ୍ଜନ ନାୟକଙ୍କୁ ବରିଷ୍ଠ ଗବେଷକ ଡ. ଭାସ୍କର ମିଶ୍ରଙ୍କ ସମ୍ପାଦିତ ତଥା ସଙ୍କଳନ ହୋଇଥିବା ‘ଶ୍ରୀକ୍ଷେତ୍ରର ସାଂସ୍କୃତିକ ଐତିହ୍ୟ ଗ୍ରନ୍ଥାବଳୀକୁ ସୋମବାର ଦିନ ସୋଆ କାର୍ଯ୍ୟାଳୟରେ ଅର୍ପଣ କରାଯାଇଛି ।
ଓଡ଼ିଶାରେ ପ୍ରଥମ ଥର ନିମନ୍ତେ ଶ୍ରୀକ୍ଷେତ୍ରର ବିବିଧ ପରମ୍ପରା, ପ୍ରାଚୀନ ଇତିହାସ, କ୍ଷେତ୍ର ପରିକ୍ରମା ସମ୍ବଳିତ ଏକ ପୂର୍ଣ୍ଣାଙ୍ଗ ଗ୍ରନ୍ଥ ସଙ୍କଳିତ ହୋଇଛି । ପ୍ରଫେସର ନାୟକ ଏହି ଗ୍ରନ୍ଥଟି ପାଠକ ତଥା ଶ୍ରୀକ୍ଷେତ୍ର ତଥ୍ୟ ଜିଜ୍ଞାସୁଙ୍କ ପାଇଁ ଉପାଦେୟ ହୋଇପାରିଛି ବୋଲି ମତବ୍ୟକ୍ତ କରିଥିଲେ । ଏହି ଗ୍ରନ୍ଥ ଅର୍ପଣ ସମୟରେ ଶ୍ରୀମନ୍ଦିର ବଡ଼ୁ ସୁଆର ନିଯୋଗର ସଭାପତି ଶ୍ରୀ ବିଶ୍ୱନାଥ ସାମନ୍ତରା ଓ ଗ୍ରନ୍ଥ ସଙ୍କଳକ ଡ. ମିଶ୍ର ଉପସ୍ଥିତ ଥିଲେ ।
