WhatsApp ରେ ଆରମ୍ଭ ହେଲା ଶପିଂ

ସତ୍ୟଶିଖା (ନୂଆଦିଲ୍ଲୀ) ୧୦/୧୧/୨୦୨୦ : Whats App ଗତ କିଛି ଦିନ ହେବ ଲଗାତାର ଗୋଟିଏ ପରେ ଗୋଟିଏ ଫିଚର ଆଣୁଛି । ଏହି କ୍ରମରେ Whats App ଏବେ ଆପ୍‌ରେ ଶପିଂ ବଟନ୍ ଆଡ୍ କରୁଛି । କମ୍ପାନୀ କହିବା ଅନୁସାରେ ଏହି ଫିଚର ବ୍ୟବସାୟ ପାଇଁ ଲାଭଦାୟକ ରହିବ ଏବଂ ସେମାନେ ନିଜ ସେଲ୍ ବଢ଼ାଇ ପାରିବେ । Whats Appର ଏହି ନୂଆ ଫିଚର ଅନୁସାରେ ୟୁଜର୍ସଙ୍କୁ ବିଜନେସ୍ Whats App ଆକାଉଣ୍ଟସ୍ ପ୍ରୋଫାଇଲ୍ ପାଖରେ ଶପିଂ ବଟନ୍ ଦେଖାଯିବ । ଏହି ବଟନ୍ ଷ୍ଟୋର୍ ଆଇକନ୍ ଭଳି ଦେଖାଯିବ । ଏହା ନର୍ମାଲ୍ Whats App ଆକାଉଣ୍ଟ ୟୁଜର୍ସ ବିଜନେସ୍ Whats App ଆକାଉଣ୍ଟରେ ଦେଖି ପାରିବେ ।ଇନଷ୍ଟାଣ୍ଟ୍ ମ୍ୟାସେଜିଂ ଆପ୍ Whats App ମୁତାବକ ପ୍ରତି ଦିନ ୧୭୫ ମିଲିୟନ୍ ଲୋକ ହ୍ବାଟସଆପ୍ ବିଜନେସ୍ ଆକାଉଣ୍ଟରେ ମ୍ୟାସେଜ କରନ୍ତି । କମ୍ପାନୀ ଏହା ମଧ୍ୟ କହିଛି ଯେ ପ୍ରତି ଦିନ ୪୦ମିଲିୟନ ୟୁଜର୍ସ ବିଜନେସ୍ କ୍ୟାଟଲଗ୍ ହ୍ବାଟସଆପରେ ଦେଖିଥାନ୍ତି । Whats App ମୁତାବକ ଶପିଂ ବଟନ୍ ବିଶ୍ୱବ୍ୟାପି ହ୍ବାଟସଆପ୍ ୟୁଜର୍ସଙ୍କ ପାଇଁ ଜାରି କରାଯାଉଛି । କମ୍ପାନୀ ଏହା ମଧ୍ୟ କହିଛି ଯେ ଏହି ବିଜନେସ୍ ଆକାଉଣ୍ଟରେ ଭଏସ୍ କଲ୍ ବଟନର ସ୍ଥାନ ଦିଆଯିବ । ଭଏସ୍ କଲ୍ ବଟନ୍ ପାଇଁ ୟୁଜର୍ସ କଲ୍ ବଟନ୍ ଉପରେ ଟ୍ୟାପ୍ କରି ଭଏସ୍ ଏବଂ ଭିଡିଓରୁ ବାଛି ପାରିବେ ।Whats App ଶପିଂ ବଟନ୍ ବ୍ୟବହାର କରିବା ପାଇଁ ଆପଣଙ୍କୁ ହ୍ବାଟସଆପର ଯେକୌଣସି ବିଜନେସ୍ ଆକାଉଣ୍ଟକୁ ଯିବାକୁ ପଡ଼ିବ । ଏହି ଆକାଉଣ୍ଟ କାହାର ବି ହୋଇପାରେ ଯାହା ଦ୍ୱାରା ଆପଣ ନିକଟରେ କୌଣସି ପ୍ରଡକ୍ଟ କିମ୍ବା ସର୍ଭିସ୍ କିଣିବା ପାଇଁ ଆପଣ ମ୍ୟାସେଜ ସେଣ୍ଡ କିମ୍ବା ରିସିଭ କରିଥିବେ । ବିଜନେସ୍ ଆକାଉଣ୍ଟରେ ଏଠାରେ ଆପଣଙ୍କୁ ଶପିଂ ଆଇକନ୍ ଦେଖିବାକୁ ମିଳିବ । ଏଥିରେ ଟ୍ୟାପ୍ କରି ଆପଣ ସେହି ବିଜନେସ୍ ଦ୍ୱାରା ଅଫର କରାଯାଉଥିବା ପ୍ରଡକ୍ଟର କ୍ୟାଟଲଗ୍ ଦେଖି ପାରିବେ ।