ସତ୍ୟଶିଖା( ଭୁବନେଶ୍ୱର )୧୯.୦୭ . ୨୦୨୨: ରାଜ୍ୟ କ୍ୟାବିନେଟରେ ୧୭ଟି ପ୍ରସ୍ତାବକୁ ମିଳିଛି ଅନୁମୋଦନ । ଗୃହରେ ଏନେଇ ଅବଗତ କରାଇଛନ୍ତି ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୂଜାରୀ । କ୍ୟାବିନେଟ୍ ନିଷ୍ପତ୍ତି ପରେ ଏହାକୁ ଅବଗତ କରାଇଛନ୍ତି ନିରଞ୍ଜନ ପୂଜାରୀ ।
ତେବେ ରାୟଗଡ଼ା କାଶୀପୁରରେ ହେବ ବୃହତ ପାନୀୟ ଜଳ ପ୍ରକଳ୍ପ । ରାୟଗଡା ଜିଲ୍ଲାର ୧୫ ପଂଚାୟତ , କୋରାପୁଟର ୩୧ ପଂଚାୟତକୁ ମିଳିବ ପାଣି । ରାୟଗଡା ଜିଲ୍ଲା ରାମନାଗୁଡା ବ୍ଲକର ୭ ଓ କୋଲନରା ବ୍ଲକର ୮ ପଂଚାୟତ ଏବଂ କୋରାପୁଟ ଜିଲ୍ଲା ଜୟପୁର ବ୍ଲକର ୧୫ ଓ କୁନ୍ଦ୍ରାବ୍ଲକର ୧୬ ପଂଚାୟତକୁ ମିଳିବ ପାଣି । ଆଇଟି ପଲିସି ୨୦୨୨ରେ କ୍ୟାବିନେଟ ମୋହର ଲାଗିଛି । ପାଇକ ବିଦ୍ରୋହ ସ୍ମାରକୀ ପାଇଁ ଜମି ଯୋଗାଇଛନ୍ତି ସରକାର । ଖୋର୍ଦ୍ଧା ବରୁଣେଇରରେ ୯.୬୮ ଏକର ଜମି ଦିଆଯାଇଛି । ୩୧ କୋଟି ୯୭ ଲକ୍ଷ ଟଙ୍କା ଛାଡ଼ କରିଛନ୍ତି ରାଜ୍ୟ ସରକାର । ପୁରୀରେ ୧୩୫ କୋଟିର ଧର୍ମଶାଳା ନିର୍ମାଣ ହେବ । ୧୩୫ କୋଟି ୬୦ ଲକ୍ଷଟଙ୍କା ବ୍ୟୟରେ ନିର୍ମାଣ ହେବ ଧର୍ମଶାଳା । ଆଇଟି ପଲିସି କୁ ମିଳିଛି କ୍ୟାବିନେଟ ମଂଜୁରୀ । ଆଇଟି କ୍ଷେତ୍ରରେ ପୁଂଜି ନିବେଶ ପାଇଁ ବିଶେଷ ପ୍ରୋତ୍ସାହନ ଘୋଷଣା । ସ୍ଥାୟୀ ପୁଂଜି ନିବେଶ ନିମନ୍ତେ କମ୍ପାନୀଗୁଡିକୁ ନିବେଶର ୨୫ ପ୍ରତିଶତ ଯୋଗାଇ ଦିଆଯିବ । ଭିତ୍ତିଭୂମିରେ ସ୍ଥାୟୀ ନିବେଶର ୩୦ ପ୍ରତିଶତ ଯୋଗ୍ୟ ଆଇଟି ସଂସ୍ଥାକୁ ରିହାତିରେ ଦିଆଯିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ହୋଇଥିବା କ୍ୟାବିନେଟ୍ ବୈଠରେ ୧୭ଟି ପ୍ରସ୍ତାବକୁ ମିଳିଛି ମଞ୍ଜୁରୀ ।
