ପଞ୍ଚୁକ ପାଇଁ ଧବଳେଶ୍ୱର ପୀଠରେ ୧୪୪ ଧାରା

ସତ୍ୟଶିଖା(ଭୁବନେଶ୍ୱର) ୧୫.୧୧.୨୦୨୧:  ଆଠଗଡ଼  ଆଜିଠୁ ଆରମ୍ଭ ହେଉଛି କାର୍ତ୍ତିକ ମାସ ପଞ୍ଚୁକ ବ୍ରତ। ତେବେ କରୋନା କଟକଣା ପାଇଁ ଆଠଗଡ଼ର ବାବା ଧବଳେଶ୍ୱର ପୀଠରେ ଭକ୍ତଙ୍କ ଗହଳି ରୋକିବାକୁ ପ୍ରଶାସନ ପକ୍ଷରୁ ୧୪୪  ଧାରା ଜାରି କରାଯାଇଛି।  ତେବେ ଭକ୍ତଙ୍କ ପାଇଁ କଟକଣା ଲାଗିଥିବା ବେଳେ ବାବାଙ୍କ ନୀତିକାନ୍ତି ସ୍ୱାଭାବିକ ଭାବେ ଚାଲିଛି।  ଭୋର ୪ଟାରୁ ପହଡ ଖୋଲାଯାଇ ବାବାଙ୍କର ୧୦୮ କଳସ ଜଳରେ ସ୍ନାନ କରାଯାଇ ମଙ୍ଗଳ ଆଳଳି କରାଯାଇଥିଲା। ପରେ ବିନା ଭକ୍ତରେ ଦର୍ଶନ ଦେଉଛନ୍ତି ବାବା ଧବଳେଶ୍ୱର। ସୁରକ୍ଷା ଦୃଷ୍ଟିରୁ ମନ୍ଦିରର ପ୍ରବେଶ ପଥ ଝୁଲାପୋଲ ପରିସରରେ ପୁଲିସ ଫୋର୍ସ ମୁତୟନ କରାଯାଇଛି।