ସତ୍ୟଶିଖା (ଭୁବନେଶ୍ୱର) ୧୦/୧୨/୨୦୨୦ : କରୋନା ମହାମାରୀକୁ ନେଇ ଦୀର୍ଘ ଦିନ ଧରି ସ୍କୁଲ, କଲେଜ ବନ୍ଦ ରହିଥିବାବେଳେ ଡିସେମ୍ବର ମାସରେ ଶିକ୍ଷାନୁଷ୍ଠାନ ଖୋଲାଯିବା ନେଇ ସ୍ଵତନ୍ତ୍ର ରିଲିଫ କମିଶନର (ଏସଆରସି) ସଙ୍କେତ ଦେଇଥିଲେ । କିନ୍ତୁ କରେନା ସ୍ଥିତି ସୁଧୁରି ନ ଥିବାରୁ ନୂଆ ବର୍ଷରେ ଅର୍ଥାତ୍ ଜାନୁୟାରୀ ମାସରେ ସ୍କୁଲ, କଲେଜ ଖୋଲିବା ସମ୍ଭାବନା ରହିଛି । ଗଣଶିକ୍ଷାମନ୍ତ୍ରୀ ସମୀର ରଞ୍ଜନ ଦାଶ ଗୁରୁବାର ଏ ନେଇ ସୂଚନା ଦଇେଛନ୍ତି ।
ମନ୍ତ୍ରୀ ଦାଶ କହିଛନ୍ତି, ଡିସେମ୍ବରରେ ସ୍କୁଲ ଖୋଲିହେବ ବୋଲି ଏସଆରସି କହିଥିଲେ । କିନ୍ତୁ ବର୍ତ୍ତମାନ ପରିସ୍ଥିତି ଯାହା ଡିସେମ୍ବରରେ ସ୍କୁଲ ଖୋଲାଯିବା ସମ୍ଭବ ନୁହେଁ । ସମ୍ଭବତଃ ଜାନୁୟାରୀରୁ ସ୍କୁଲ ଖୋଲିବ । ପ୍ରଥମେ ଦଶମ ଓ ଦ୍ବାଦଶ ଶ୍ରେଣୀ ଖୋଲିବାକୁ ପ୍ରାଥମିକତା ଦେବୁ ବୋଲି ସେ କହିଛନ୍ତି ।
ଯଦି ଜାନୁୟାରୀରୁ ସ୍କୁଲ ଖୋଲାଯାଏ, ତେବେ ଛୁଟି ଦିନରେ ବି କ୍ଲାସ୍ ଚାଲିବ । କେବଳ ପର୍ବପର୍ବାଣୀ ଛୁଟିକୁ ଛାଡ଼ି ଅନ୍ୟ ଛୁଟି ଦିବସଗୁଡ଼ିକରେ କ୍ଲାସ କରାଯିବ ବୋଲି ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି । ସୂଚନାଯୋଗ୍ୟ, କରୋନା ଭୂତାଣୁ ବ୍ୟାପିବା ପରେ ଗତ ମାର୍ଚ୍ଚ ମାସରୁ ଲକ୍ଡାଉନ ଲାଗୁ କରାଯାଇଥିଲା । ସେବେଠାରୁ ସ୍କୁଲ, କଲେଜଗୁଡ଼ିକ ବନ୍ଦ ରହିଛି । ଅନ୍ଲାଇନ ଜରିଆରେ ପିଲାଙ୍କ ପାଠପଢ଼ା ଚାଲିଛି ।
