ସତ୍ୟଶିଖା (ବାଲେଶ୍ଵର) ୨୫/୧୧/୨୦୨୦ : ବାଲେଶ୍ଵର ଜିଲ୍ଲା ଖଇରା ବ୍ଲକ ସାରଡାଙ୍ଗ ପଞ୍ଚାୟତର ସରପଞ୍ଚ ହରିହର କୁଣ୍ଡୁ ହଠାତ୍ ଅସୁସ୍ଥତା ଅନୁଭବ କରିବାରୁ ପରିବାର ଲୋକେ ଚିକିତ୍ସା ପାଇଁ ନିଜ ଗ୍ରାମ ସାରଡାଙ୍ଗରୁ ଭଦ୍ରକ ନେଇଥିଲେ । ସେଠାରେ ତାଙ୍କର ମୃତ୍ୟୁ ହୋଇଯାଇଛି । ହୃଦଘାତରେ ମୃତ୍ୟୁ ହୋଇଥିବା ଗ୍ରାମବାସୀଙ୍କ ଠାରୁ ରିପୋର୍ଟ ସଂଗ୍ରହରୁ ଜଣାପଡିଛି । ପ୍ରକାଶ ଥାଉକି ଶ୍ରୀ କୁଣ୍ଡୁ ଅଞ୍ଚଳରେ ବେଶ୍ ଜଣାଶୁଣା ବ୍ଯକ୍ତି ଥିଲେ । ମୃତ୍ୟୁ ବେଳକୁ ତାଙ୍କର ବୟସ ୬୧ ବର୍ଷ ହୋଇଥିବାବେଳେ ପରିବାର ବର୍ଗଙ୍କ ସମେତ ସଂପୃକ୍ତ ଅଞ୍ଚଳରେ ଶୋକରଛାୟା ଖେଳିଯାଇଛି । ଖବରପାଇ ବହୁଲୋକ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ ।
