ଦୁର୍ଘଟଣାନ୍ୟୁଜ୍ରାଜ୍ୟ

ପରିବାର ଉପରେ ଆକ୍ରମଣ ଓ ନିଆଁ ଲଗାଇବା ଘଟଣାରେ ୪୦ରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଉଠାଇନେଲା ପୋଲିସ l

ସତ୍ୟଶିକ୍ଷା (ପୁରୀ) ୨୯ .୦୯.୨୦୨୦ : ପୁରୀ ବ୍ରହ୍ମଗିରି ବ୍ଲକ ମନାପୁର ଗ୍ରାମର ବାସନ୍ଦ ପରିବାର ଉପରେ ଆକ୍ରମଣ ଓ ନିଆଁ ଲଗାଇ ୭ବଖରା ଘର ପୋଡିଦେବା ଘଟଣା। ବ୍ରହ୍ମଗିରି ପୋଲିସ ପକ୍ଷରୁ  ଗ୍ରାମରେ ଚଢଉ। ପୁରୁଷ ଓ ମହିଳା ସମେତ ୪୦ରୁଉର୍ଦ୍ଧ୍ୱ ବ୍ୟକ୍ତିଙ୍କୁ ଉଠାଇନେଲା ପୋଲିସ। ସେପଟେ ଗାଁ ଛାଡି ବାହାରେ ଆଶ୍ରୟ ନେଉଛନ୍ତି ୪ ବାସନ୍ଦ ପରିବାର ୪୦ ଜଣ ବ୍ୟକ୍ତି । ୨ ବର୍ଷ ହେବ ଜମିଜମା ବିଦାକୁ ନେଇ ଗାଁରୁ ନିଆଁପାଣି ବାସନ୍ଦ ଥିଲେ ୪ ପରିବାର । ବାରମ୍ବାର ନ୍ୟାୟ ପାଇଁ ଥାନାର ଦ୍ୱାରସ୍ତ ହୋଇଛନ୍ତି ।

କିନ୍ତୁ ନ୍ୟାୟ ମିଳିବା ତ ଦୂରର କଥା ଓଲଟା ଗ୍ରାମବାସୀଙ୍କ ଆକ୍ରୋଶର ଶିକାର ହେବାକୁ ପଡିଛି । ଯାହାକି ଦିନକ ପୂର୍ବେ ଏହି ଘଟଣା ଉଗ୍ରରୂପ ନେଇଥିଲା । କୌଣସି କାରଣରୁ ଗାଁର କିଛି ବ୍ୟକ୍ତିଙ୍କ ସହ ବାସନ୍ଦ ପରିବାରର ଯୁକ୍ତିତର୍କ ହୋଇଥିଲା । ଏହାକୁ ନେଇ ଗାଁର କିଛି ଉତ୍ତ୍ୟକ୍ତ ଯୁବକ ସେମାନଙ୍କ ଘରେ ନିଆଁ ଲଗାଇ ଦେଇଥିଲେ । ୭ ବଖରା ଘର ଜଳିଯିବା ସହ ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଛି । ଆକ୍ରମଣରେ ୭ଜଣ ମହିଳା ଓ ପୁରୁଷ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଭୟରେ ଗାଁ ଛାଡି ବନ୍ଧୁ ବାନ୍ଧବ ଘରେ ଆଶ୍ରୟ ନେଇଛନ୍ତି ବାସନ୍ଦ ପରିବାର ।

Show More
Back to top button