କୋଭିଡ୍ ମୃତକ ପରିବାରକୁ ମିଳିବ ସହାୟତା ରାଶି: ଡିଏମଇଟି ସିବିକେ ମହାନ୍ତି

ସତ୍ୟଶିଖା(ଭୁବନେଶ୍ୱର )୨୮.୦୯ .୨୦୨୧: କୋଭିଡ଼ ମୃତକ ପରିବାରକୁ ସହାୟତା ନେଇ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ପାଳନ କରିବେ ରାଜ୍ୟ ସରକାର । ସଂକ୍ରମିତ ହେବାର ମାସେ ମଧ୍ୟରେ ମୃତ୍ୟୁବରଣ କରିଥିବା କୋଭିଡ଼ ରୋଗୀଙ୍କ ପରିବାରକୁ ୫୦ ହଜାର ଟଙ୍କା ଦେବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ଏହାକୁ କାର୍ଯ୍ୟକାରୀ କରିବା ପାଇଁ ରାଜ୍ୟ ସରକର ଏକ ସ୍ୱତନ୍ତ୍ର ଏସଓପି ଜାରି କରିବେ । ନିୟମ ଅନୁସାରେ, ରାଜ୍ୟରେ କୋଭିଡ଼ ମୃତ୍ୟୁର ପୁନଃ ଅଡ଼ିଟ କରିବା ପାଇଁ ଜିଲ୍ଲା ସ୍ତରରେ କମିଟି ଗଠନ ପାଇଁ ନିର୍ଦ୍ଦେଶ ରହିଛି । ତାହାକୁ ଆମେ ଅନୁପାଳନ କରିବୁ । ଏହି କ୍ରାଇଟେରିଆ ଭିତରେ ଯେଉଁମାନେ ରହିଛନ୍ତି ସେମାନେ ଆବେଦନ କରିପାରିବେ ବୋଲି କହିଛନ୍ତି ଡ଼ିଏମଇଟି ସିବିକେ ମହାନ୍ତି ।