ସତ୍ୟଶିଖା ( ପୁରୀ )୨୨ /୧୧ /୨୦୨୧: ଆଜି ପୁରୀ ଶ୍ରୀମନ୍ଦିର ପରିକ୍ରମା ମାର୍ଗର ଶୁଭ ଶିଳାନ୍ୟାସ । ଏନେଇ ଆରମ୍ଭ ହୋଇଛି ପୂଜାର୍ଚ୍ଚନା ଓ ହୋମ ଯଜ୍ଞ। ଶ୍ରୀମନ୍ଦିର ଦୋଳ ବେଦୀ କୋଣ ଉତ୍ତର ପାର୍ଶ୍ଵ ମଠ ସାମ୍ନାରେ ଯଜ୍ଞ ମଣ୍ଡପରେ ଆରମ୍ଭ ହୋଇଛି ହୋମ ଯଜ୍ଞ। ଶ୍ରୋତୀୟ ବ୍ରାହ୍ମଣଙ୍କ ଦ୍ଵାରା ଏହି ହୋମ ଯଜ୍ଞ କରାଯାଉଛି। 3 ଦିନ ଧରି ଏହି ଯଜ୍ଞ ହେବାକୁ ଥିବା ବେଳେ ଆସନ୍ତା 24 ତାରିଖରେ ଯଜ୍ଞର ପୂର୍ଣ୍ଣାହୁତି ହେବ। ସେହିଦିନ ମୁଖ୍ୟମନ୍ତ୍ରୀ ମଧ୍ୟ ଯୋଗ ଦେବାର କାର୍ଯ୍ୟକ୍ରମ ରହିଛି ।
ଗଜପତି ମହାରାଜା ଶୁଭ ଶିଳାନ୍ୟାସ କରିବେ। ଗତକାଲି ଯଜ୍ଞ ନିମନ୍ତେ ଅଙ୍କୁରାରୋପଣ ନୀତି ଶେଷ ହେବା ପରେ ଆଜି ସକାଳୁ ପଞ୍ଚ କର୍ମ , ବ୍ରାହ୍ମଣ ବରଣ , ସୁର୍ଯ୍ୟ ପୂଜା ପରେ ହୋମ ଯଜ୍ଞ ପୂଜା ଚାଲିବ। ତେବେ ଶ୍ରୀମନ୍ଦିର ପରିକ୍ରମା ମାର୍ଗ ପ୍ରକଳ୍ପ ଶୀଘ୍ର ଶେଷ ହେବ ବୋଲି ଆଶା ରଖିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ।
