ସତ୍ୟଶିଖା( କଟକ )୨୮.୦୫.୨୦୨୨ : ମାଟ୍ରିକ ସମ୍ମେଟିଭ-୨ ପରୀକ୍ଷାର ଉତ୍ତର ଖାତା ବିଭିନ୍ନ କେନ୍ଦ୍ର ମାନଙ୍କରେ ମୂଲ୍ୟାଙ୍କନ କରାଯାଉଛି । ଖାତା ଦେଖାରେ ସାମାନ୍ୟ କୋହଳ କରାଯାଇଛି । ଆସନ୍ତା ୩୦ ତାରିଖରେ ସାବିତ୍ରୀ ଅମାବାସ୍ୟା ପଡୁଥିବାରୁ ମୂଲ୍ୟାୟନ ପ୍ରକ୍ରିୟାକୁ ବନ୍ଦ କରିବାକୁ ବୋର୍ଡ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି । ବିଭିନ୍ନ ମୂଲ୍ୟାୟନ କେନ୍ଦ୍ରରେ ପରୀକ୍ଷକମାନେ ସାବିତ୍ରୀ ଅମାବାସ୍ୟା ଦିନ ଖାତା ଦେଖା ବନ୍ଦ କରିବାକୁ ବୋର୍ଡ କର୍ତ୍ତୃପକ୍ଷଙ୍କୁ ଅନୁରୋଧ କରିଥିଲେ ।
ଏହାକୁ ବିଚାରକୁ ନେଇ ବୋର୍ଡ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । ସମସ୍ତ ଜିଲ୍ଲା ଶିକ୍ଷା ଅଧିକାରୀ, କ୍ୟାମ୍ପ ଅଫିସର ଏବଂ କ୍ୟାମ୍ପ ସୁପରଭାଇଜରମାନଙ୍କୁ ବୋର୍ଡ ପକ୍ଷରୁ ପତ୍ର ମାଧ୍ୟମରେ ଅଗତ କରାଯାଇଥିବା ବୋର୍ଡ ସମ୍ପାଦକ ଶ୍ରୀକାନ୍ତ ତରାଇ ସୂଚନା ଦେଇଛନ୍ତି । ସୂଚନା ଥାଉକି, ରାଜ୍ୟର ମୋଟ ୫୮ଟି ମୂଲ୍ୟାୟନ କେନ୍ଦ୍ରରେ ଖାତା ଦେଖା ଜାରି ରହିଛି । ଖାତା ଦେଖିବା ଲାଗି ୪୮୧ ଜଣ ମୁଖ୍ୟ ପରୀକ୍ଷକଙ୍କ ସହ ୯୦୦ ଜଣ ଡେୁପଟି ପରୀକ୍ଷକ, ୮୯୧୯ ଜଣ ସହକାରୀ ପରୀକ୍ଷକ, ୯୩୦ଜଣ ସ୍କୁଟିନାଇଜରଙ୍କୁ ନିୟୋଜିତ ହୋଇଥିବା ବେଳେ ମୂଲ୍ୟାଙ୍କନ କରାଯାଉଛି ।
