ସତ୍ୟଶିଖା (ଭୁବନେଶ୍ୱର) ୧୬.୦୩.୨୦୨୨: ଦିନ ଦ୍ୱିପ୍ରହରରେ ରାଜଧାନୀରେ ଥିବା ଏକ ଜୁଏଲାରୀରୁ ଲକ୍ଷାଧୀକ ଟଙ୍କାର ଅଳଙ୍କାର ଲୁଟି ନେଲେ ଦୁର୍ବୃତ୍ତ। କେବଳ ସେତିକି ନୁହେଁ ଫାୟାରିଂ କରି ଚମ୍ପଟ୍ ବି ମାରିଲେ । ଭୁବନେଶ୍ୱର ଉପକଣ୍ଠ ଯାଆଁଳରେ ଘଟିଛି ଏପରି ଅଭାବନୀୟ କାଣ୍ଡ।
ଆଜି ପ୍ରାୟ ମଧ୍ୟାହ୍ନ ସମୟରେ ଯାଆଁଳ ଫାଣ୍ଠି ନିକଟରେ ଥିବା ସାଗରିକା ଜୁଏଲାରୀ ନିକଟରେ ୨ ଦୁର୍ବୃତ୍ତ ଏକ ବାଇକ୍ରେ ପହଞ୍ଚିଥିଲେ। ଉଭୟ ଜୁଏଲାରୀରେ ପ୍ରବେଶ କରି କିଛି କେମିକାଲ ସ୍ପ୍ରେ କରି ସୁନା ଗହଣା ଲୁଟିବା ଆରମ୍ଭ କରିଥିଲେ। ଏହି ସମୟରେ ମାଲିକଜଣକ ସାଇରନ ବଟମ୍ ମାରିଦେବାରୁ ଆଖପାଖ ଲୋକ ଦୌଡ଼ି ଆସିଥିଲେ।
