୨୩ରୁ ଭୁବନେଶ୍ଵରରେ ଖୋଲିବ ଧାର୍ମିକ ଅନୁଷ୍ଠାନ

 ପ୍ରଭୁ ଲିଙ୍ଗରାଜ ମନ୍ଦିରରେ ଏକ ସମୟରେ ସର୍ବାଧିକ 100 ଜଣ ଭକ୍ତଙ୍କୁ ଅନୁମତି ଦିଆଯାଇଛି। ଜନସାଧାରଣଙ୍କ ଗତିବିଧି ଉପରେ ନିୟନ୍ତ୍ରଣ ଏବଂ ପ୍ରତିବନ୍ଧକ ପାଇଁ ପୋଲିସ ମୂତୟନ ରହିବେ। ସେହିଭଳି ମସଜିଦ / ଚର୍ଚ୍ଚ / ଗୁରୁଦ୍ୱାର ପରି ସମସ୍ତ ଧାର୍ମିକ ଅନୁଷ୍ଠାନକୁ ମଧ୍ୟ ୨୩ ରୁ ଖୋଲିବ। ଧାର୍ମିକ ଅନୁଷ୍ଠାନ କର୍ତ୍ତୃପକ୍ଷ  ଶ୍ରଦ୍ଧାଳୁ ତଥା ଭକ୍ତଙ୍କ କୋଭିଡ କଟକଣା ପାଳନ ପ୍ରତି ଧ୍ୟାନ ଦେବେ। ଏକ ସମୟରେ ମନ୍ଦିର / ମସଜିଦ / ଚର୍ଚ୍ଚ / ଗୁରୁଦ୍ୱାର ପରି ଧର୍ମାନୁଷ୍ଠାନରେ 25 ରୁ ଅଧିକ ବ୍ୟକ୍ତିଙ୍କୁ ଏକାଠି ହେବାକୁ ଅନୁମତି ଦିଆଯିବ ନାହିଁ ।

ସମସ୍ତ ମନ୍ଦିର / ମସଜିଦ / ଚର୍ଚ୍ଚ / ଗୁରୁଦ୍ୱାର କର୍ତ୍ତୃପକ୍ଷ ସେମାନଙ୍କ ପୁରୋହିତ / ସେବାୟତଙ୍କ RT-PCR ପରୀକ୍ଷା ନିଶ୍ଚିତ କରିବେ ଏବଂ କେବଳ RT-PCR ନକାରାତ୍ମକ ଏବଂ ଅନ୍ତିମ କୋଭିଡ ଟୀକାକରଣ ପ୍ରମାଣପତ୍ର ଧାରକଙ୍କୁ ରୀତିନୀତି କରିବାକୁ ଅନୁମତି ଦିଆଯିବ । ପୁରୋହିତ / ସେବାୟତ ମାନଙ୍କୁ କୋଭିଡ ପ୍ରୋଟୋକଲ୍ ଅନୁଯାୟୀ ସବୁବେଳେ ମାସ୍କ ପିନ୍ଧିବାକୁ ପଡିବ ।

ସମସ୍ତ ଭକ୍ତଙ୍କୁ ମାସ୍କ ପିନ୍ଧିବାକୁ ପଡିବ ଏବଂ ପରସ୍ପରଠାରୁ ଛଅ ଫୁଟ ସାମାଜିକ ଦୂରତା ବଜାୟ ରଖିବାକୁ ପଡିବ । ମନ୍ଦିର / ମସଜିଦ / ଚର୍ଚ୍ଚ / ଗୁରୁଦ୍ୱାର କର୍ତ୍ତୃପକ୍ଷ ପ୍ରବେଶ ଏବଂ ପ୍ରସ୍ଥାନ ସ୍ଥାନରେ ଭକ୍ତମାନଙ୍କ ପାଇଁ ହାତ ଧୋଇବା / ହାତ ସାନିଟାଇଜର ପାଇଁ ବ୍ୟବସ୍ଥା କରିବେ। ଥଣ୍ଡା ଜାତୀୟ ଲକ୍ଷଣ ବ୍ୟକ୍ତିଙ୍କୁ ଭିତରକୁ ଅନୁମତି ଦିଆଯିବ ନାହିଁ । ଅନ୍ୟାନ୍ୟ ସମ୍ବେଦନଶୀଳ ତଥା ରୋଗଗ୍ରସ୍ତ ବ୍ୟକ୍ତି, ବୃଦ୍ଧ ବ୍ୟକ୍ତି, ଗର୍ଭବତୀ ମହିଳା କିମ୍ବା 18 ବର୍ଷରୁ କମ୍ ପିଲାମାନେ ଧାର୍ମିକ ଅନୁଷ୍ଠାନ ପରିଦର୍ଶନ ନ କରିବାକୁ ପରାମର୍ଶ ଦିଆଯାଇଛି । ଧର୍ମାନୁଷ୍ଠାନ ରେ ଏହି ନିର୍ଦ୍ଦେଶାବଳୀ ଗୁଡିକ ପାଳନ ନହେଲେ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ।