କମିଛି ପନିପରିବା ଦାମ୍ ପରବର୍ତୀ ସମୟରେ ଶସ୍ତା ହୋଇପାରେ

ସତ୍ୟଶିଖା (ନୂଆଦିଲ୍ଲୀ) ୨୬/୧୧/୨୦୨୦ : ଦୀପାବଳି ପୂର୍ବରୁ ପନିପରିବା ଦାମ ବୃଦ୍ଧି ପାଇଥିଲା ଯାହାର ପ୍ରଭାବ ଖୁଚୁରା ମୁଦ୍ରାସ୍ଫୀତି ଉପରେ ମଧ୍ୟ ପଡିଥିଲା । ଖୁଚୁରା ମୁଦ୍ରାସ୍ଫୀତି ୭ ମାସରେ ସବୁଠାରୁ ଉଚ୍ଚ ସ୍ଥରରେ ପହଂଚି ଯାଇଥିଲା । କିନ୍ତୁ ବର୍ତ୍ତମାନ ଦୀପାବଳି ପରେ ପନିପରିବା ଦାମ ହ୍ରାସ ପାଇବା ଆରମ୍ଭ ହୋଇଛି । ଶୀତ ଦିନରେ ଅଦାର ଚାହିଦା ସବୁଠାରୁ ଅଧିକ ଥାଏ । ଅଦା ବର୍ତ୍ତମାନ ଶସ୍ତା ଦାମରେ ବିକ୍ରି ହେଉଛି । ଅଦା ବର୍ତ୍ତମାନ କିଲୋ ପ୍ରତି ୩୦ ରୁ ୩୫ ଟଙ୍କା ରହିଛି । ପିଆଜ ଦର ମଧ୍ୟ ନିୟନ୍ତ୍ରଣରେ ଅଛି ।ମଟର ଯାହାର ଦାମ କିଲୋ ପ୍ରତି ୧୬୦ ଟଙ୍କାରେ ବିକ୍ରି ହେଉଥିବା ତା ଦାମ ହ୍ରାସ ପାଇ କିଲୋ ପ୍ରତି ୬୦ ଟଙ୍କା ହୋଇଛି । ଦୀପାବଳି ଓ ଛଠ ପୂଜା ପାଇଁ ପନିପରିବା ଚାହିଦା ଅଧିକ ଥିଲା । ଆଗାମୀ ସପ୍ତାହ ପରେ ପିଆଜ ଦର ମଧ୍ୟ ହ୍ରାସ ପାଇପାରେ । ବର୍ତ୍ତମାନ ମଣ୍ଡିରେ ସବୁଠାରୁ ମହଙ୍ଗା ଅଛି ରସୁଣ । ରସୁଣ କିଲୋ ପ୍ରତି ୧୧୦ ରୁ ୧୨୦ ଟଙ୍କାରେ ବିକ୍ରି ହେଉଛି ।ଅପରପକ୍ଷରେ ଦୈନନ୍ଦିନ ଜୀବନରେ ସବୁଠାରୁ ଅଧିକ ବ୍ୟବହୃତ ହେଉଥିବା ଆଳୁ ଦାମ ବୃଦ୍ଧି ପାଇଛି । କିନ୍ତୁ ଆଳୁ ଏବେ ବି ମହଙ୍ଗା ଅଛି । ଆଳୁ ଦାମ କମିନାହିଁ । କିନ୍ତୁ ବଜାରକୁ ନୂଆ ଆଳୁ ଆସିବା ପରେ ଲୋକଙ୍କ ପାଖରେ ବିକଳ୍ପ ଅଛି । କିନ୍ତୁ ବର୍ତ୍ତମାନ ନୂଆ ଆଳୁ ମଧ୍ୟ ଶସ୍ତା ନାହିଁ । ଖୁଚୁରା ବ୍ୟବସାୟୀ ମଧ୍ୟ ଆଳୁ କିଲୋ ପ୍ରତି ୩୮ ରୁ ୪୦ ଟଙ୍କାରେ କିଣୁଛନ୍ତି । ଅପରପକ୍ଷରେ ପୁରୁଣା ଆଳୁ କିଲୋ ପ୍ରତି ୫୦ ରୁ ୬୦ ଟଙ୍କା ହୋଇଛି । ଟମାଟୋ ଦାମ ମଧ୍ୟ ସୁଧୁରିଛି । ଟମାଟୋ ଦାମ କିଲୋ ପ୍ରତି ପାଖାପାଖି ୩୦ ଟଙ୍କା ରହିଛି ।