ନୂଆଦିଲ୍ଲୀ: ସୋମବାର ଲଦାଖର ଗଲୱାନ ଭ୍ୟାଲିରେ ଭାରତ ଓ ଚାଇନା ମଧ୍ୟରେ ଘଟିଥିବା ରକ୍ତାକ୍ତ ସଂଘର୍ଷ ସମ୍ପର୍କରେ ସମସ୍ତଙ୍କୁ ଜଣାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସର୍ବଦଳୀୟ ବୈଠକ ଡାକିଛନ୍ତି। କଂଗ୍ରେସ ଠାରୁ ଆରମ୍ଭ କରି ଟିଏମସି ଓ ବିଜେଡି ଭଳି ଦଳ ଆଜି ଅନୁଷ୍ଠିତ ହେବାକୁ ଥିବା ବୈଠକରେ ଯୋଗଦେବେ।
କିନ୍ତୁ ଦିଲ୍ଲୀରେ କ୍ଷମତାସୀନ ଆମ ଆଦମୀ ପାର୍ଟି(ଆପ୍)କୁ ମୋଦିଙ୍କ ସର୍ବଦଳୀୟ ବୈଠକକୁ ନିମନ୍ତ୍ରଣ କରାଯାଇନାହିଁ। ଏ ସମ୍ପର୍କରେ ଆପ୍ର ଦୁଇ ଜଣ ବରିଷ୍ଠ ନେତା ଗଣମାଧ୍ୟମକୁ ସୂଚନା ଦେଇଛନ୍ତି।
ଆହୁରି ପଢ଼ନ୍ତୁ
ଆପ୍ର ରାଜ୍ୟସଭା ସାଂସଦ ତଥା ବରିଷ୍ଠ ନେତା ସଞ୍ଜୟ ସିଂହ କହିଛନ୍ତି, “ଦିଲ୍ଲୀରେ ଆପ୍ କ୍ଷମତାରେ ରହିଛି। ସେହିପରି ପଞ୍ଜାବରେ ଆପ୍ ମୁଖ୍ୟ ବିରୋଧୀ ଦଳ। ତଥାପି ବିଜେପି ଆମର ମତାମତ ନେବାକୁ ଚାହୁଁନାହିଁ। ଏଥିପାଇଁ ସେମାନେ ଆମକୁ ମୋଦିଙ୍କ ସର୍ବଦଳୀୟ ବୈଠକକୁ ଡାକି ନାହାନ୍ତି।”
ଅନ୍ୟପକ୍ଷରେ ଲୋକସଭାରେ ୫ରୁ ଅଧିକ ସାଂସଦ ଥିବା ଦଳର ସଦସ୍ୟଙ୍କୁ ସର୍ବଦଳୀୟ ବୈଠକକୁ ଡାକାଯାଇଥିବା ଜଣାପଡ଼ିଛି। ବୈଠକରେ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧି ମଧ୍ୟ ଯୋଗଦେବେ।
