ସତ୍ୟଶିଖା (ପୁରୀ) ୦୪/୦୧/୨୦୨୧ : ହୋଟେଲରେ ଦେହ ବ୍ୟବସାୟୀ ଚାଲିଥିବା ନେଇ ପୋଲିସର ତନାଘନା । ମିଳିଥିବା ସୂଚନା ମୁତାବକ ପୋଲିସ ତାର ଟିମ୍ ନେଇ ହୋଟେଲରେ ପହଞ୍ଚିଥିଲା । ସମୁଦ୍ର କୂଳ ଥାନା ଅଧୀନ ଚକ୍ରତୀର୍ଥ ରୋଡ୍ ଅଞ୍ଚଳରେ ଦେହ ବ୍ୟବସାୟ ହେଉଥିବା ଖବର ପାଇ ଏକ ହୋଟେଲରେ ଚଢ଼ାଉ କରିଛି ପୁଲିସ । ଏସପି କେ. ବିଶାଲ ସିଂହଙ୍କ ନିର୍ଦ୍ଦେଶକ୍ରମେ ଏହି ଚଢ଼ାଉ କରିଥିଲା ପୁଲିସ ।
ସୂଚନା ମୁତାବିକ, ରବିବାର ବିଳମ୍ବିତ ରାତିରେ ଏହି ଅଞ୍ଚଳରେ ଥିବା ଏକ ହୋଟେଲରେ ଦୁଇ ଦେହ ବ୍ୟବସାୟୀଙ୍କ ସହ ୨ ଗ୍ରାହକ ଥିବା ପୁଲିସକୁ ଖବର ମିଳିଥିଲା । ଦୁଇ ବଙ୍ଗୀୟ ଯୁବତୀଙ୍କୁ ଜଣେ ଅଟୋ ଚାଳକ ଆଣି ହୋଟେଲ ନିକଟରେ ଛାଡ଼ିଥିଲା । ଉଭୟ ଯୁବତୀ ୨୦୫ ନମ୍ବର ରୁମ୍କୁ ଯିବେ ବୋଲି କଥା ହେଉଥିବା ଅଟୋ ଚାଳକ ଜଣକ ଜାଣିପାରିଥିଲେ । ଗଣମାଧ୍ୟମ ପ୍ରତିିନିଧିଙ୍କ ସହ ଏସପିଙ୍କ ପାଖରେ ଏହି ଖବର ପହଞ୍ଚିଥିଲା । ପରେ ଏସପି ଶ୍ରୀ ସିଂହଙ୍କ ନିର୍ଦ୍ଦେଶକ୍ରମେ ପରେ ପୁଲିସ୍ ଏକ ଟିମ୍ ବିଳମ୍ବିତ ରାତିରେ ହୋଟେଲରେ ରେଡ୍ କରିଥିଲେ ।
ପ୍ରଥମେ ହୋଟେଲ ଚାରିପଟେ ପୋଲିସ ଜଗିଥିବା ବେଳେ ପୁଲିସର ଏକ ଟିମ୍ ୨୦୫ ନମ୍ବର ରୁମ୍ରେ ଚଢ଼ଉ କରିଥିଲା ତେବେ ସେଠାରେ ବଙ୍ଗୀୟ ଯୁବତୀ କିମ୍ବା ଗ୍ରାହକ ଧରାପଡି ନ ଥିଲେ । ସେହି ରୁମ୍ରେ ପୁରୀ ବୁଲିବାକୁ ଆସିଥିବା ଏକ ପର୍ଯ୍ୟଟଙ୍କ ପରିବାର ଲୋକ ଥିବା ପୋଲିସ ସୂଚନା ଦେଇଥିଲେ । ତେବେ ହେଟେଲ ଆଖ ପାଖ ରୁମ୍ ଯାଞ୍ଚ କରାଗଲା ନାହଁ, ଯଦି ଆଖ ପାଖ ରୁମ୍ ଯାଞ୍ଚ ହୋଇଥାନ୍ତ ତେବେ ବଙ୍ଗୀୟ ଯୁବତୀ ଓ ଗ୍ରାହକ ଧରାପଡିଥାନ୍ତେ ବୋଲି ସ୍ଥାନୀୟ ଲୋକ ଅଭିଯୋଗ କରିଛନ୍ତି ।
