ରାକ୍ଷୀପୂର୍ଣ୍ଣିମା ; ଭାଇ ହାତରେ ରାକ୍ଷୀ ବାନ୍ଧିବା ପୂର୍ବରୁ ମା’ଲକ୍ଷ୍ମୀଙ୍କୁ କରନ୍ତୁ ପୂଜା

ସତ୍ୟଶିଖା( ଭୁବନେଶ୍ୱର)୧୦.୦୮ . ୨୦୨୨:  ହିନ୍ଦୁ କ୍ୟାଲେଣ୍ଡର ଅନୁଯାୟୀ, ଭାଇ-ଭଉଣୀଙ୍କ ସ୍ନେହର ବନ୍ଧନ ରକ୍ଷା ବନ୍ଧନ କିମ୍ବା ରାକ୍ଷୀ ପୂର୍ଣ୍ଣିମା ପ୍ରତ୍ୟେକ ବର୍ଷ ଶ୍ରାବଣ ମାସର ପୂର୍ଣ୍ଣିମାରେ ପାଳନ କରାଯାଇଥାଏ। ଚଳିତ ବର୍ଷ ରକ୍ଷା ବନ୍ଧନର ପର୍ବ ୧୧ ଅଗଷ୍ଟ ୨୦୨୨ରେ ପାଳନ କରାଯିବ। ଏହି ଦିନ ଭଉଣୀମାନେ ଭାଇଙ୍କ ଦୀର୍ଘାୟୁ କାମନା କରିବା ହାତରେ ସ୍ନେହରେ ରାକ୍ଷୀ ବାନ୍ଧି ମିଠା ଖୁଆଇ ଥାଆନ୍ତି। ଭାଇ ମଧ୍ୟ ଭଉଣୀର ରକ୍ଷା କରିବାକୁ ବଚନ ଦେବା ସହ ଉପହାର ଦେଇଥାଆନ୍ତି। ରକ୍ଷା ବନ୍ଧନ ସହ ଜଡିତ କିଛି ମାନ୍ୟତା ଓ ପୌରାଣିକ କଥା ରହିଛି। ଏହି ଦିନ ଭାଇଙ୍କ ହାତରେ ରାକ୍ଷୀ ବାନ୍ଧିବା ପୂର୍ବରୁ ମା’ଲକ୍ଷ୍ମୀଙ୍କୁ ନିଶ୍ଚୟ ପୂଜା କରନ୍ତୁ। ଏହାଦ୍ୱାରା ଉାଇ-ଭଉଣୀଙ୍କ ମଧ୍ୟରେ ସର୍ବଦା ସ୍ନେହ-ଶ୍ରଦ୍ଧା ରହିବା ସହ ମା’ଙ୍କ କୃପା ପ୍ରାପ୍ତି ହୋଇଥାଏ।
ରକ୍ଷା ବନ୍ଧନକୁ ନେଇ ଅନେକ ପୌରାଣିକ ମାନ୍ୟତା ରହିଛି। ଏହି ଦିନ ମା’ଲକ୍ଷ୍ମୀଙ୍କ ବିଶେଷ ଭାବେ ପୂଜାର୍ଚ୍ଚନା କରିବା ସହ ସମସ୍ତ ଦେବୀଦେବତାଙ୍କୁ ମଧ୍ୟ ପୂଜା କରନ୍ତୁ।
ଜ୍ୟୋତିଷ ଶାସ୍ତ୍ର ଅନୁଯାୟୀ, ଭାଇ ହାତରେ ରାକ୍ଷୀ ବାନ୍ଧିବା ପୂର୍ବରୁ ମା’ଲକ୍ଷ୍ମୀ ଓ ଭଗବାନ ବିଷ୍ଣୁଙ୍କର ପୂଜାର୍ଚ୍ଚନା କରନ୍ତୁ। ଶାସ୍ତ୍ର ଅନୁଯାୟୀ ଏହି ଦିନ କନକଧାରା ସ୍ତୋତ୍ର ଓ ବିଷ୍ଣୁ ସହସ୍ରନାମ ଶୁଣନ୍ତୁ କିମ୍ବା ପଢନ୍ତୁ। ଏହାଦ୍ୱାରା ମା’ଲକ୍ଷ୍ମୀ ପ୍ରସନ୍ନ ହେବା ସହ ଭାଇ-ଭଉଣୀ ଉଭୟଙ୍କୁ ଆରୋଗ୍ୟର ବରଦାନ ମିଳିଥାଏ। ଉଭୟଙ୍କ ମଧ୍ୟରେ ସ୍ନେହ ଓ ସମ୍ପର୍କରେ ମଧୁରତା ଆସିଥାଏ। ସମ୍ପର୍କ ମଧ୍ୟ ମଜଭୂତ ହୋଇଥାଏ।
ରକ୍ଷା ବନ୍ଧନରେ ମା’ଲକ୍ଷ୍ମୀଙ୍କ ସହ ଭଗବାନ ଶ୍ରୀକୃଷ୍ଣଙ୍କୁ ମଧ୍ୟ ରାକ୍ଷୀ ବାନ୍ଧନ୍ତୁ।