ରାଜ୍ୟସଭା ସାଂସଦ ଅଶ୍ୱିନୀ ବୈଷ୍ଣବ ପ୍ରେସ୍ କାଉନ୍ସିଲ୍ ଅଫ୍ ଇଣ୍ଡିଆକୁ ମନୋନୀତ


ସତ୍ୟଶିଖା(ନୂଆଦିଲ୍ଲୀ) ୨୧.୦୪.୨୦୨୧: ପିଆଇବିକୁ ମନୋନୀତ ହେଲେ ୨ ରାଜ୍ୟସଭା ସାଂସଦ । ପ୍ରେସ୍ କାଉନସିଲ୍ ଅଫ ଇଣ୍ଡିଆ(ପିଆଇବି)କୁ ମନୋନୀତ ହୋଇଛନ୍ତି ସାଂସଦ ଅଶ୍ୱିନୀ ବୈଷ୍ଣବ ଓ କେ. କେଶବା ରାଓ । ଉଭୟ ସାଂସଦଙ୍କୁ ରାଜ୍ୟସଭା ଅଧ୍ୟକ୍ଷ ମନୋନୀତ କରିଛନ୍ତି । ଏକ ପ୍ରେସ୍ ବିବୃତି ଜରିଆରେ ଏହି ସୂଚନା ଦେଇଛନ୍ତି ରାଜ୍ୟସଭା ଅଧ୍ୟକ୍ଷ ।
ତେବେ ୧୯୯୪ ବ୍ୟାଚ୍ ଓଡିଶା କ୍ୟାଡରର ଜଣେ ପୂର୍ବତନ ଆଇଏଏସ୍ ଅଫିସର ଅଶ୍ୱିନୀ ବୈଷ୍ଣବ । ୨୦୦୪ ମସିହାରେ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବ୍ୟକ୍ତିଗତ ସଚିବ ଭାବେ କାର୍ଯ୍ୟଭାର କରିଥିଲେ । ଏହାପୂର୍ବରୁ ସେ ୧୯୯୯ ମସିହାରେ ସେ ବାଲେଶ୍ୱର ଜିଲ୍ଲାରେ ଜିଲ୍ଲାପାଳ ଭାବେ କାର୍ଯ୍ୟ କରିଛନ୍ତି । ସେ ଜଣେ ଦକ୍ଷ ପ୍ରଶାସକ ଭାବେ ବେଶ୍ ସୁନାମ ଅର୍ଜନ କରିଛନ୍ତି । ସେହିପରି ପ୍ରେସ୍ କାଉନସିଲ୍ ଅଫ ଇଣ୍ଡିଆକୁ ମନୋନୀତ ହୋଇଥିବା ଅନ୍ୟ ଜଣେ ସାଂସଦ ହେଉଛନ୍ତି କେ. କେଶବା ରାଓ । ୨୦୧୪ ମସିହାରୁ ରାଜ୍ୟସଭାକୁ ନିର୍ବାଚିତ ହୋଇଛନ୍ତି । ଜଣେ ଦକ୍ଷ ନେତା ଭାବେ ଖୁବ୍ ପରିଚିତ କେ. କେଶବା ରାଓ ।