ସତ୍ୟଶିଖା(ନୂଆଦିଲ୍ଲୀ) ୨୬.୦୭.୨୦୨୧: ନୂଆ କୃଷି ଆଇନ ପ୍ରତ୍ୟାହାର କରିବା ପାଇଁ କଂଗ୍ରେସ ସମେତ କେତେକ ଦଳ ଦାବି କରି ଆସୁଛନ୍ତି । ଏଥିପାଇଁ ଚାଷୀମାନେ ମାସ ମାସ ଧରି ଆନେ୍ଦାଳନ ବି ଚଳାଇ ଆସୁଛନ୍ତି । ଚାଷୀଙ୍କ ସହ ମିଶି ଆନେ୍ଦାଳନକୁ ବଳ ଦେଉଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ନୂଆ ଚାଷୀ ଆଇନ ପ୍ରତ୍ୟାହାର ପାଇଁ ରାହୁଳ ଗାନ୍ଧୀ ନିଜେ ଟ୍ରାକ୍ଟର ଚଳାଇ ପ୍ରତିବାଦ କରିଛନ୍ତି ।
ରାହୁଲ କହିଛନ୍ତିଯେ, ସରକାର କହୁଛନ୍ତି, ଚାଷୀମାନେ ଖୁସିରେ ଅଛନ୍ତି । ଯେଉଁମାନେ ପ୍ରତିବାଦ କରୁଛନ୍ତି ସେମାନଙ୍କୁ ଆତଙ୍କବାଦୀ କୁହାଯାଉଛି । କିନ୍ତୁ ବାସ୍ତବରେ ଚାଷୀଙ୍କ ଅଧିକାରକୁ ଛଡ଼ାଇ ନିଆଯାଉଛି ।
ଅପରପକ୍ଷରେ ସଂସଦର ସ୍ୱଳ୍ପକାଳୀନ ମୌସୁମୀ ଅଧିବେଶନ ଜାରି ରହିଥିବାବେଳେ ବିରୋଧୀ ଆକ୍ରମଣାତ୍ମକ ଆଭିମୁଖ୍ୟ ପୋଷଣ କରିଛନ୍ତି । ଫଳରେ ସଂସଦ ବାରବାର ମୁଲତବୀ ରହୁଥିବା ଦେଖିବାକୁ ମିଳିଛି । ରାଜ୍ୟସଭାରେ କଂଗ୍ରେସ ସଂସଦୀୟ ଦଳ ନେତା ମଲ୍ଲିକାର୍ଜୁନ ଖାଡ଼ଗେଙ୍କୁ ଆଜି କେତେକ ବିରୋଧୀ ଦଳର ନେତାମାନେ ଭେଟି ଆଲୋଚନା କରିଥିବା ଜଣାପଡ଼ିଛି ।
