ପୁରୀକୁ ବିଶ୍ୱସ୍ତରୀୟ ଷ୍ଟେସନ ପାଇଁ ଖର୍ଚ୍ଚ ହେବ ୩୬୪ କୋଟି, ୨ବର୍ଷରେ ସରିବ କାମ

ଆଜି ପୁରୀ ରେଳଷ୍ଟେସନକୁ ପରିଦର୍ଶନ କରିବା ଅବସରରେ ଶ୍ରୀ ବୈଷ୍ଣବ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ପୁରୀ ରେଳଷ୍ଟେସନକୁ ବିଶ୍ୱସ୍ତରୀୟ ରୂପ ଦେବା ପାଇଁ କାର୍ଯ୍ୟ ଖୁବଶୀଘ୍ର ଆରମ୍ଭ ହେବ । ପୁରୀ ରେଳଷ୍ଟେସନ ଓ ଏହାର ପାରିପାଶ୍ୱିର୍କ ଅଂଚଳକୁ ବିକଶିତ କରିବା ନିମନ୍ତେ ୩୬୪କୋଟି ଟଙ୍କା ଖର୍ଚ୍ଚ ହେବ । ଏଥିପାଇଁ ଟେଣ୍ଡର ପ୍ରକ୍ରିୟା ଶେଷ ହୋଇଛି ଓ କାମ ଖୁବଶୀଘ୍ର ଆରମ୍ଭ ହେବ ଓ ପ୍ରାୟ ୨ବର୍ଷ ମଧ୍ୟରେ କାର୍ଯ୍ୟ ଶେଷ ହେବ ।ରେଳ ଷ୍ଟେସନରେ ଓଡ଼ିଶାର ସ୍ଥାପତ୍ୟ କଳାର ଡିଜାଇନ୍ ଆଧାରରେ ଯାତ୍ରୀନିବାସ ନିର୍ମାଣ କରାଯିବ । ପୁରୀ ରେଳଷ୍ଟେସନ କୋଠା ଏଭଳି ଶୈଳୀରେ ନିର୍ମାଣ ହେବ, ଯାହା ଉପରେ ୨୦୦ରୁ ୩୦୦କିମି ବେଗର ବାତ୍ୟା ପ୍ରଭାବିତ ହେବ ନାହିଁ । ଷ୍ଟେସନରେ ଗ୍ରୀନ ବିଲଡିଂ ରହିବ । ପ୍ରସ୍ତାବ ଅନୁସାରେ ଷ୍ଟେସନରେ ଫୁଡ୍ କୋର୍ଟ, ସପିଂ ଏରିଆ ଓ ୱେଷ୍ଟ ମ୍ୟାନେଜମେଣ୍ଟ ପାଇଁ ବ୍ୟବସ୍ଥା ରହିବ । ପୁରୀରେ ମୋବାଇଲ ଟିକେଟିଂ ବ୍ୟବସ୍ଥା କାର୍ଯ୍ୟକାରୀ ହେବ, ଯାହାଫଳରେ ଯାତ୍ରୀମାନେ ଧାଡ଼ିରେ ନଛିଡ଼ା ହୋଇ ଯେକୌଣସି ସ୍ଥାନରୁ ଟିକେଟ୍ କରିପାରିବେ । ଶ୍ରୀ ବୈଷ୍ଣବ ଆଜି ପୁରୀ ରେଳଷ୍ଟେସନରେ ଭିତ୍ତିଭୂମି ଆଦିର ସମୀକ୍ଷା କରୁଥିଲେ ।