ଘରୋଇ ସ୍କୁଲ ଫି’ କମାଇବା ମାମଲା

ସତ୍ୟଶିଖା (କଟକ) ୨୩/୧୧/୨୦୨୦ : ଘରୋଇ ସ୍କୁଲ ଫି’ ବୃଦ୍ଧି ମାମଲାରେ ତଥ୍ୟ ଦେବା ଲାଗି ରାଜ୍ୟ ସରକାରଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଏମଓୟୁ ଆଧାରରେ ଫି’ କମାଇବା ସପକ୍ଷରେ ଅଛନ୍ତି ରାଜ୍ୟ ସରକାର । ତେବେ ସତ୍ୟପାଠ ଜରିଆରେ ତଥ୍ୟ ଦେବାକୁ ରାଜ୍ୟ ସରକାରଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଡିସେମ୍ବର ୨ରେ ମାମଲାର ପରବର୍ତ୍ତୀ ଶୁଣାଣି ହେବ ।ଫି’ କମ୍ କରିବାକୁ ନେଇ ଏମଓୟୁ ସ୍ବାକ୍ଷରିତ ହୋଇଥିଲା । ବିଭିନ୍ନ ଘରୋଇ ସ୍କୁଲ କର୍ତ୍ତୃପକ୍ଷଙ୍କ ସହ ଏମଓୟୁ ଦସ୍ତଖତ କରିଥିଲେ ଶିକ୍ଷା ସଚିବ । ଅନ୍ୟପଟେ ସ୍କୁଲ ଫି’ କମାଇବା ପାଇଁ ଅଭିଭାବକ ମହାସଂଘ ଦାବି ଜୋରଦାର କରିବାରେ ଲାଗିଛି । କରୋନା ଲକଡାଉନ ସମୟରେ ସ୍କୁଲ ବନ୍ଦ ଥିବାରୁ ଫି’ କମାଇବା ଲାଗି ଅଭିଭାବକ ମହାସଂଘ ଦାବି କରିଛି ।