ସତ୍ୟଶିଖା( ଫୁଲବାଣୀ )୨୩.୦୨.୨୦୨୨ : ଫୁଲବାଣୀ ଜିଲ୍ଲା କାରାଗାରରେ ଜଣେ ବିଚାରାଧୀନ କଏଦୀଙ୍କ ମୃତ୍ୟୁ ଘଟିଛି । ମୃତକ ଜଣକ ହେଲେ ଫିରିଙ୍ଗିଆ ଥାନା ଡିଣ୍ଡ୍ରାଗାଁ ପଞ୍ଚାୟତ ସିମିଝରି ଗ୍ରାମର ଦଣ୍ଡପାଣି କହଁର (୫୫) । ଗଞ୍ଜେଇ ଚୋରା ଚାଲାଣ ଅଭିଯୋଗରେ ଗିରଫ ହୋଇ ସେ ଗତ ଏକ ବର୍ଷ ହେଲା ଫୁଲବାଣୀ ଜେଲରେ ଥିଲେ । ସୋମବାର ରାତିରେ ତାଙ୍କ ଦେହ ଖରାପ ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ସକାଳେ ତାଙ୍କର ମୃତ୍ୟୁ ହୋଇଥିବା ଜେଲ ଅଧୀକ୍ଷକ ସୂଚନା ଦେଇଛନ୍ତି । ସୂଚନାଯୋଗ୍ୟ, ଏହି ଜେଲର ଆଉ ଜଣେ ଆଜୀବନ କଏଦୀ କାହ୍ନୁଚରଣ ପ୍ରଧାନଙ୍କ ଗତ ୧୩ ତାରିଖରେ ରୋଗରେ ପଡି ମୃତ୍ୟୁ ହୋଇଥିଲା । ଟାଉନ ପୁଲିସ ଡାକ୍ତରଖାନାରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇଥିଲେ ।
