ସତ୍ୟଶିଖା ( ନୂଆଦିଲ୍ଲୀ ) ୧୦ .୦୯.୨୦୨୦ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ୨୧ ରାଜ୍ୟ ପାଇଁ ମତ୍ସ୍ୟ ସମ୍ପଦ ଯୋଜନାର ଶୁଭାରମ୍ଭ କରିଛନ୍ତି । ଆଗାମୀ ୪ – ୫ ବର୍ଷ ମଧ୍ୟରେ ଏହି ଯୋଜନାରେ କେନ୍ଦ୍ର ସରକାର ୨୦,୦୦୦ କୋଟି ଟଙ୍କା ଖର୍ଚ୍ଚ କରିବାର ଲକ୍ଷ୍ୟ ରଖିଛନ୍ତି । ଆଜି ୧୭୦୦ କୋଟି ଟଙ୍କାର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ । ଏହି ଯୋଜନାରେ ଭାରତର ଆତ୍ମନିର୍ଭର ଶକ୍ତି ବୃଦ୍ଧି ହେବା ସହ ଦେଶର ଜିଡିପି ବୃଦ୍ଧି ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି ।
ସେହିପରି କୃଷକଙ୍କ ପାଇଁ ଇ-ଗୋପାଳ ମୋବାଇଲ ଆପ ଶୁଭାରମ୍ଭ ହୋଇଛି । ଏହି ମୋବାଇଲ ଆପ କୃଷକଙ୍କୁ ଅନେକ ସୂଚନା ପ୍ରଦାନ କରିବା ସହ ସେମାନଙ୍କୁ ଅନଲାଇନ ତାଲିମ ମଧ୍ୟ ଦେଇପାରିବ । ମାର୍କେଟିଂ ବିଷୟରେ ମଧ୍ୟ ଏହି ଆପରେ ସୂଚନା ଦିଆଯିବ ବୋଲି କେନ୍ଦ୍ର ମନ୍ତ୍ରୀ ପ୍ରତାପ ଷଡ଼ଙ୍ଗୀ କହିଛନ୍ତି । ଅନ୍ୟ ପକ୍ଷରେ ସେପ୍ଟେମ୍ବର ଶେଷ ସୁଦ୍ଧା ବିହାର ନିର୍ବାଚନ ପାଇଁ ତାରିଖ ଘୋଷଣା ହେଉଥିବାରୁ ଏହି ଯୋଜନାର ଶୁଭାରମ୍ଭ ପ୍ରଧାନମନ୍ତ୍ରୀ ବିହାରରୁ କରିଛନ୍ତି ବୋଲି କଂଗ୍ରେସ ପକ୍ଷରୁ କୁହାଯାଇଛି ।
ଏହି ଯୋଜନାରେ ଓଡ଼ିଶାର ଅର୍ଥିନୀତି ମଧ୍ୟ ଦୃଢ଼ ହେବ । ଓଡ଼ିଶାରେ ସୁଦୀର୍ଘ ବେଳଭୂମି, ନଦୀ ,ପୋଖରୀ ଥିବାରୁ ମାଛ ଚାଷ ଭଲ ହେବ ସହ ପଶୁପାଳନ କ୍ଷେତ୍ରରେ ମଧ୍ୟ ଚାଷୀ ଲାଭବନ ହେବେ ।
-
-
-
-
-
-
-
-
-
-
