ଜାତୀୟ କ୍ରୀଡ଼ା ଏବଂ ଦୁଃସାହସିକ କାର୍ଯ୍ୟ ପାଇଁ ପୁରସ୍କାର ପ୍ରଦାନ କରିବେ ରାଷ୍ଟ୍ରପତି ରାମନାଥ କୋବିନ୍ଦ l
ସତ୍ୟଶିଖା ୨୯ .୦୮.୨୦୨୦ : ଆଜି ଜାତୀୟ କ୍ରୀଡ଼ା ଦିବସ । ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଜାତୀୟ କ୍ରୀଡ଼ା ଏବଂ ଦୁଃସାହସିକ କାର୍ଯ୍ୟ ପାଇଁ ପୁରସ୍କାର ପ୍ରଦାନ କରିବେ । ରାଜୀବ ଗାନ୍ଧୀ ଖେଲ ରତ୍ନ ପୁରସ୍କାର, ଅର୍ଜୁନ ପୁରସ୍କାର, ଦ୍ରୋଣାଚାର୍ଯ୍ୟ ପୁରସ୍କାର, ଧାନଚାନ୍ଦ ପୁରସ୍କାର, ଟେନଜିଙ୍ଗ ନରଗାଇ ଜାତୀୟ ଦୁଃସାହସିକ ପୁରସ୍କାର ଏବଂ ରାଷ୍ଟ୍ରିୟ ଖେଲ ପ୍ରୋତ୍ସାହନ ପୁରସ୍କାର ପ୍ରଦାନ କରିବେ ।
ଭିଡିଓ କନଫେରେନ୍ସିଂ ମାଧ୍ୟମରେ ହେବାକୁ ଥିବା ଏହି କାର୍ଯ୍ୟକ୍ରମରେ କ୍ରୀଡ଼ା ମନ୍ତ୍ରୀ କିରନ ରିଜିଜୁ, ଭାରତୀୟ ଅଲିମ୍ପିକ୍ ଆସୋସିଏସନର ସଭାପତି ନରେନ୍ଦ୍ର ଧ୍ରୁବ ବତ୍ରା ଏବଂ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ଦିଲ୍ଲୀ ବିଜ୍ଞାନ ଭବନ ସମାରୋହରେ ଯୋଗଦେବେ । କ୍ରୀଡା ମନ୍ତ୍ରଣାଳୟ ପକ୍ଷରୁ ଏ ନେଇ ପୂର୍ବରୁ କ୍ରୀଡ଼ାବିତଙ୍କ ନାମ ଘୋଷଣା ହୋଇଥିଲା । ଏହି ସମାରୋହ ସକାଳ 11 ଟାରୁ ଆରମ୍ଭ ହେବ ।
କରୋନା ମହାମରୀ କାରଣରୁ ଦେଶର ବିଭିନ୍ନ ସ୍ଥାନରେ ରହି ଖେଳାଳି ମାନେ ଏହି ପୁରସ୍କାର ଗ୍ରହଣ କରିବେ। ତେବେ ଓଡ଼ିଶାରୁ ଦୂତି ଚାନ୍ଦଙ୍କୁ ମଧ୍ୟ କୋଲକାତାରେ ପୁରସ୍କାର ପ୍ରଦାନ କରାଯିବ ।
