ସତ୍ୟଶିଖା ୧୪ .୦୮.୨୦୨୦ : ଋଷିଆ ମହାମାରୀ କରୋନା ସଂକ୍ରମଣ ଟୀକା ଘୋଷଣା କରିବା ଦିନ ଠାରୁ ସାରା ବିଶ୍ୱରେ ତୀବ୍ର ପ୍ରତିକ୍ରିୟା ଦେଖାଦେଇଛି । ଅନେକ ଦେଶ ଟିକା ବିକଶିତ କରିବା ଦୌଡ଼ରେ ଅଛନ୍ତି, ସେଥିରେ ଭାରତ ମଧ୍ୟ ରହିଛି । କରୋନା ସଙ୍କଟକୁ ଦୂର କରିବା ପାଇଁ ଏକ ସଫଳ ଟିକା ସୃଷ୍ଟି କରିବାକୁ ଉଦ୍ୟମ କରି ଭାରତ ଧୀରେ ଧୀରେ ଅଗ୍ରଗତି କରୁଛି । ଦେଶରେ ପ୍ରକାଶିତ ଟୀକା କରଣର ପ୍ରଥମ ପର୍ଯ୍ୟାୟ ପ୍ରାୟ ସଂପୂର୍ଣ୍ଣ ହୋଇଛି । ଭାରତ ବାୟୋଟେକ୍ ଦ୍ୱାରା ଟୀକାକରଣର ପ୍ରଥମ ପର୍ଯ୍ୟାୟ ପରୀକ୍ଷା ପରେ ସେପ୍ଟେମ୍ବରରେ ଦ୍ୱିତୀୟ ପର୍ଯ୍ୟାୟ ଆରମ୍ଭ ହେବ ।
ସୂଚନା ଅନୁଯାୟୀ ଖୁବଶୀଘ୍ର କମିଟି ରିପୋର୍ଟ ଦାଖଲ କରିବ। ଯେଉଁଥିରେ ପ୍ରଥମ ପର୍ଯ୍ୟାୟ ଟୀକା ନେଇ ସମ୍ପୂର୍ଣ୍ଣ ସୂଚନା ଦିଆଯିବ, ବର୍ତ୍ତମାନ ଦ୍ୱିତୀୟ ପର୍ଯ୍ୟାୟ ପାଇଁ ପ୍ରସ୍ତୁତି ଆରମ୍ଭ ହେଉଛି । ଭାରତ ବାୟୋଟେକ୍ ଅଧୀନରେ ସମୁଦାୟ 12 ଟି କେନ୍ଦ୍ରରେ ଟିକା ପରୀକ୍ଷା ଚାଲିଥିବା ବେଳେ ଦିଲ୍ଲୀର AIIMS ହସ୍ପିଟାଲରେ ପ୍ରଥମ ପର୍ଯ୍ୟାୟ ଶେଷ ହୋଇନାହିଁ । ଅନ୍ୟ 11ଟି କେନ୍ଦ୍ର ରେ ଏହା ପ୍ରାୟ ସଂପୂର୍ଣ୍ଣ ହୋଇଛି । ଦିଲ୍ଲୀ AIIMS ରେ ପରୀକ୍ଷା ପାଇଁ କେବଳ 16 ଜଣ ପ୍ରାର୍ଥୀ ଙ୍କୁ ନିଆଯାଇଛି । ସମସ୍ତ 12 ଟି କେନ୍ଦ୍ରରେ ଏହି ସଂଖ୍ୟା 375 ରହିଛି ।
ମହାରାଷ୍ଟ୍ରର ନାଗପୁରରେ 55 ଜଣ ପ୍ରାର୍ଥୀଙ୍କୁ ଏହି ଟିକା ଦିଆଯାଇଥିଲା, ଯେଉଁମାନଙ୍କ ମଧ୍ୟରୁ କେତେକଙ୍କୁ ଟୀକାକରଣ ପରେ ଜ୍ୱରରେ ସମସ୍ୟା ଦେଖା ଦେଇଥିଲା ଯାହା କିଛି ଘଣ୍ଟା ମଧ୍ୟରେ ଭଲ ହୋଇଯାଇଥିଲା । ନାଗପୁର କେନ୍ଦ୍ର ଏହାର ରିପୋର୍ଟ ଦାଖଲ କରିଥିବାବେଳେ ବେଲଗାମ୍ କେନ୍ଦ୍ର ମଧ୍ୟ ଏହାର ପ୍ରଥମ ପରୀକ୍ଷା ଶେଷ କରିଛି ଯେଉଁଥିରେ କେବଳ ଚାରି ଜଣ ଲୋକ ଭାଗ ନେଇଥିଲେ । ପ୍ରଥମ ପର୍ଯ୍ୟାୟର ରିପୋର୍ଟ ଏପର୍ଯ୍ୟନ୍ତ ଦାଖଲ ହୋଇନାହିଁ, କିନ୍ତୁ ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ଖୋଜିବା ଆରମ୍ଭ କରିଛନ୍ତି ।
ବର୍ତ୍ତମାନ ଦେଶର ବିଭିନ୍ନ ପର୍ଯ୍ୟାୟରେ ତିନୋଟି ଟିକା ଉପରେ ପରୀକ୍ଷା ଚାଲିଛି, ଯେଉଁଥିରେ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆକୁ ଦ୍ୱିତୀୟ ଓ ତୃତୀୟ ପର୍ଯ୍ୟାୟ ଅନୁମତି ଦିଆଯାଇଛି । ଅକ୍ସଫୋର୍ଡ ୟୁନିଭରସିଟି ଟିକା ପରୀକ୍ଷା ମଧ୍ୟ ଖୁବ ଶୀଘ୍ର ଆରମ୍ଭ ହେବ । ଏହା ଅଧୀନରେ 20 ଟି ରାଜ୍ୟର ଡାକ୍ତରଖାନା ଗୁଡ଼ିକରେ ପରୀକ୍ଷା ଚାଲିଛି, ଯେଉଁଥିରେ ଆଇସିଏମଆରଙ୍କ ପରାମର୍ଶରେ ବିଭିନ୍ନ ହଟସ୍ପଟ୍ ଚୟନ କରାଯାଇଛି । Zydus Cadila ଦ୍ୱାରା ନିର୍ମିତ ZyCOV-D ର ପ୍ରଥମ ପର୍ଯ୍ୟାୟ ମଧ୍ୟ ସଂପୂର୍ଣ୍ଣ ହୋଇଥିବାବେଳେ ଦ୍ୱିତୀୟ ପର୍ଯ୍ୟାୟ ପାଇଁ 1000 ଲୋକଙ୍କୁ ଚୟନ କରାଯାଇଛି । ବର୍ତ୍ତମାନ ଋଷ ର ଟିକା ଉପରେ ଅନେକ ପ୍ରଶ୍ନ ଉଠିଛି । ବହୁତ କମ୍ ଲୋକଙ୍କ ଉପରେ ପରୀକ୍ଷା, ଭିନ୍ନ ପାର୍ଶ୍ୱ ପ୍ରତିକ୍ରିୟା ଏବଂ WHO ର କୌଣସି ଅନୁମୋଦନ ନାହିଁ । ବିଶ୍ୱ ଏବେ ଏକ ବିଶ୍ୱସ୍ତ ଟୀକା ପାଇଁ ଅପେକ୍ଷା କରିଛି ।
-
-
-
-
-
-
-
-
-
-
