ପ୍ରଥମାଷ୍ଟମୀରେ ଶ୍ରୀମନ୍ଦିରରେ ସ୍ୱତନ୍ତ୍ର ନୀତିକାନ୍ତୀ

ସତ୍ୟଶିଖା(ଭୁବନେଶ୍ୱର) ୨୭ .୧୧.୨୦୨୧: ଉକôୃଷ୍ଟ କଳାର ପ୍ରଦେଶ ଓଡିଶା । ୧୨ ମାସର ୧୩ ପର୍ବ ଭିତରେ ପ୍ରଥମାଷ୍ଟମୀ ଏକ ମହତ୍ୱପୂର୍ଣ୍ଣ ପର୍ବ । ଏହି ଅବସରରେ  ଘରେ ଘରେ ଏଣ୍ଡୁରୀ ପିଠାର ମହକ ସାଙ୍ଗକୁ ଦେଖିବାକୁ ମିଳୁଛି ଓଡିଆ ସଂସ୍କୃତିର ଝଲକ । ଘରର ବଡ ସନ୍ତାନ ମାନଙ୍କୁ ନୂଆ ଲୁଗା, ଚନ୍ଦନ, ସିନ୍ଦୂର ଲଗାଯାଇ କରାଯାଉଛି ବନ୍ଦାପନା । ମାର୍ଗଶୀର ମାସ କୃଷ୍ଣପକ୍ଷ ଅଷ୍ଟମୀ ତିଥିକୁ ପ୍ରତ୍ୟେକ ଓଡିଆ ଘରେ ପ୍ରଥମାଷ୍ଟମୀ ଭାବେ ପାଳନ କରାଯାଇଥାଏ । ଏହି ଦିନ ଜ୍ୟେଷ୍ଠ ସନ୍ତାନ ମାନଙ୍କ ସୁଖ ସମୃଦ୍ଧି ଦୀର୍ଘ ଜୀବନ ପାଇଁ ପୂଜାର୍ଚ୍ଚନା କରାଯାଇଥାଏ ।

ସେହିପରି ଆଜି ପ୍ରଥମାଷ୍ଟମୀ ତିଥିରେ ଶ୍ରୀମନ୍ଦିରରେ ମଧ୍ୟ ସ୍ୱତନ୍ତ୍ର ନୀତିକାନ୍ତୀ ହେଉଛି । ନିଆଳି ମାଧବଙ୍କ ପୀଠରୁ ପଢୁଆଁ ସାମଗ୍ରୀ ଆସିଥିବା ବେଳେ ଆଜି ଶ୍ରୀଜିଉଙ୍କ ଅଙ୍ଗରେ ନୁଆ ଲୁଗା ଲାଗି ହେବା ସହିତ ଖଦି ଓ ଛେଦା ପ୍ରସାଦ ଲାଗି ହେବ  । ନୂଆ ପିନ୍ଧି ପଢୁଆଁ ହେବେ ଶ୍ରୀଜିଉ । ଆଜି ପ୍ରଥମାଷ୍ଟମୀ ତିଥିରେ ଶ୍ରୀମନ୍ଦିରରେ ବିଶେଷ ନୀତି ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।