ମୁମ୍ବାଇ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ହୁହୁ ହୋଇ ବଢ଼ିବାରେ ଲାଗିଛି। ବିଶେଷ କରି ମହାରାଷ୍ଟ୍ରରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବା ଲୋକଙ୍କ ଚିନ୍ତା ବଢ଼ାଇ ଦେଇଛି। ଗତକାଲି ସୁଦ୍ଧା ମହାରାଷ୍ଟ୍ରରେ କରୋନା ଆକ୍ରାନ୍ତଙ୍କ ସଂଖ୍ୟା ୩୩ ଥିବା ବେଳେ ଆଜି ଏହା ୩୮ରେ ପହଞ୍ଚି ଯାଇଛି। ଗୋଟିଏ ଦିନରେ ୫ ଜଣ ବ୍ୟକ୍ତି କରୋନାରେ ଆକ୍ରାନ୍ତ ହୋଇଛନ୍ତି।
ରାଜ୍ୟ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହି ତଥ୍ୟ ଦିଆଯାଇଛି। ପ୍ରଥମେ ଆଜି ଦିନ ୧୧ଟା ସୁଦ୍ଧା ମହାରାଷ୍ଟ୍ରରେ ୪ ଜଣ କରୋନା ରୋଗୀ ଚିହ୍ନଟ ହୋଇଥିଲେ। ତେବେ ୧.୫୬ରେ ଆଉ ଜଣେ ବ୍ୟକ୍ତି କରୋନାରେ ଆକ୍ରାନ୍ତ ହୋଇଥିବା ସ୍ପଷ୍ଟ ହୋଇଥିଲା। ଏହି ବ୍ୟକ୍ତି ଜଣଙ୍କ ନିକଟରେ ଦୁବାଇରୁ ଫେରିଥିଲେ।
ଆହୁରି ପଢ଼ନ୍ତୁ
ଦୁବାଇରୁ ଫେରିବା ପରେ ସେ ସୁସ୍ଥ ରହିଥିଲେ। କିନ୍ତୁ କିଛି ଦିନ ହେଲା ତାଙ୍କର ଥଣ୍ଡା ଓ କାଶା ଆରମ୍ଭ ହୋଇଥିଲା। ଶେଷରେ ତାଙ୍କୁ କ୍ୱାରେଣ୍ଟାଇନ କରାଯିବା ସହ ତାଙ୍କର ନମୁନା ପରୀକ୍ଷା କରାଯାଇଥିଲା। ଆଜି ରିପୋର୍ଟ ଆସିବା ପରେ ସେ କରୋନାରେ ଆକ୍ରାନ୍ତ ଥିବା ସ୍ପଷ୍ଟ ହୋଇଛି।
ଆଜି ଆକ୍ରାନ୍ତ ହୋଇଥିବା ସମସ୍ତ ୫ ଜଣଙ୍କୁ ଆଇସୋଲେସନରେ ରଖାଯାଇଛି। ସ୍ୱତନ୍ତ୍ର ଡାକ୍ତରୀ ଟିମ୍ ସମସ୍ତଙ୍କ ଉପରେ ନଜର ରଖିଛନ୍ତି।
