ଆଳୁ ଦର ଅସମ୍ଭାଳ

ସତ୍ୟଶିଖା (ନୂଆଦିଲ୍ଲୀ) ୧୪.୧୨.୨୦୨୦ : ହୋଲସେଲ୍ ମୂଲ୍ୟ ଆଧାରିତ (W.P.I) ମୁଦ୍ରାସ୍ପୀତି ଗତ ୯ ମାସ ମଧ୍ୟରେ ସର୍ବୋଚ୍ଚ ସ୍ତରରେ ପହଞ୍ଚିଛି । ଗତ ନଭେମ୍ବର ମାସରେ ମୁଦ୍ରାସ୍ପୀତି ୧.୫୫ ପ୍ରତିଶତରେ ପହଞ୍ଚିଛି । ଅକ୍ଟୋବର ମାସରେ ଏହା ୧.୪୮ ପ୍ରତିଶତ ଥିଲା । ନଭେମ୍ବର ମାସରେ ଆଳୁ ସମେତ ଅନ୍ୟ ଦ୍ରବ୍ୟଗୁଡିକର ଦାମ ଅପେକ୍ଷାକୃତ ବୃଦ୍ଧି ପାଇଛି । ବର୍ଷେ ପୂର୍ବରୁ ଅର୍ଥାତ ୨୦୧୯ ନଭେମ୍ବରରେ ହୋଲସେଲ୍ ମୁଦ୍ରାସ୍ପୀତି ୦.୫୮ ପ୍ରତିଶତ ଥିଲା ।

ଖାଦ୍ୟ ପଦାର୍ଥ ଦାମଗୁଡିକରେ କିଛିଟା ସୁଧାର ଆସିଛି । କିନ୍ତୁ ଉତ୍ପାଦନ ଶୁଳ୍କ ବଢୁଥିବାରୁ ଦର ଦାମରେ ବୃଦ୍ଧି ଦେଖାଯାଇଛି । ୨୦୨୦ ଫେବୃୟାରୀରେ W.P.I ସବୁଠାରୁ ଉଚ୍ଚ ସ୍ତର ୨.୨୬ ପ୍ରତିଶତ ଥିଲା । ତେବେ ଅକ୍ଟୋବର ମାସରେ ମୁଦ୍ରାସ୍ପୀତି ୬.୩୭ ପ୍ରତିଶତ ଥିଲା । ସେହିଭଳି ନଭେମ୍ବର ମାସରେ ଏହା ଖସି ଆସି ୩.୯୪ ପ୍ରତିଶତରେ ପହଞ୍ଚିଥିଲା । ଆଳୁ ଭଳି ଦରକାରୀ ଦ୍ରବ୍ୟର ଦାମ ଆକାଶ ଛୁଆଁ ହାଇଥିଲା । ସେହିଭଳି ଅଣ-ଖାଦ୍ୟ ପ୍ରବନ୍ଧରେ ମୁଦ୍ରାସ୍ଫୀତି ୮.୪୩ ପ୍ରତିଶତ ରହିଥିଲା । ଅନ୍ୟପକ୍ଷରେ, ଇନ୍ଧନ ଏବଂ ପାଓ୍ବାର ବାସ୍କେଟ୍ ମୁଦ୍ରାସ୍ଫୀତି ୯.୮୭ ପ୍ରତିଶତ ହ୍ରାସ ପାଇଛି ।ଉଲ୍ଲେଖ୍ୟନୀୟ କଥା ହେଉଛି ଚଳିତ ମାସରେ ମୁଦ୍ରୀ ନୀତି ସମୀକ୍ଷା ସମୟରେ ରିଜର୍ଭ ବ୍ୟାଙ୍କ ଏହି ଆଶଙ୍କା କରିଥିଲା ଯେ, ଆଗକୁ ମଧ୍ୟ ମହଙ୍ଗା ଦର ଉଚ୍ଚ ସ୍ତରରେ ରହିବ । ଉକ୍ତ ସମୀକ୍ଷା ବୈଠକରେ ରିଜର୍ଭ ବ୍ୟାଙ୍କ କହିଥିଲା ଡିସେମ୍ବର ମାସରେ ଖୁଚୁରା ମହଙ୍ଗା ଦର ୬.୮ ପ୍ରତିଶତ ଛୁଇଁପାରେ । ଅକ୍ଟୋବର ମାସରେ ହୋଲସେଲ୍ ମୁଦ୍ରାସ୍ଫୀତି ୧.୪୮ ପ୍ରତିଶତ ଥିଲା । ଗତ ୮ ମାସ ମଧ୍ୟରେ ଏହା ହେଉଛି ସର୍ବୋଚ୍ଚ ସ୍ତର । ଅକ୍ଟୋବରରେ ମୁଦ୍ରାସ୍ଫୀତି ବୃଦ୍ଧି ହେବାର ସବୁଠାରୁ ବଡ କାରଣ ହେଉଛି ଉତ୍ପାଦିତ ଦ୍ରବ୍ୟର ମୂଲ୍ୟ ବୃଦ୍ଧି । ସେପ୍ଟେମ୍ବରରେ ହୋଲସେଲ ମୁଦ୍ରାସ୍ଫୀତି (ଡବ୍ଲୁପିଇ) ୧.୩୨ ପ୍ରତିଶତ ରହିଥିଲା । ଗତ ବର୍ଷ ଅକ୍ଟୋବର ମାସରେ ମୁଦ୍ରାସ୍ଫୀତି ଶୂନ ଥିଲା ।