

ସତ୍ୟଶିଖା( ମାଲକାନଗିରି )୦୬.୧୧ .୨୦୨୧: ମାଲକାନଗିରି ସୀମାନ୍ତ ଛତିଶଗଡ଼ ଦନ୍ତେୱାଡାରେ ପୋଲିସ ଏନକାଉଣ୍ଟରରେ ହାର୍ଡ କୋର ମାଓବାଦୀ ମୃତ । ମେଘନାର ଜଙ୍ଗଲରେ ପୋଲିସ-ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲା । ପୋଲିସର ଏନକାଉଣ୍ଟରରେ ହାର୍ଡକୋର୍ ମାଓବାଦୀ ରାମସୁର ମୃତ୍ୟୁ ହୋଇଛି । ସେ ଇନ୍ଦ୍ରାବତୀ ଏରିଆ କମିଟି ମାଓ ସଙ୍ଗଠନ ଡିଭିସିଏମ କ୍ୟାଡର ଭାବେ କାର୍ଯ୍ୟ କରୁଥିଲା ।
ଅନେକ ବଡ଼ବଡ଼ ହିଂସାକାଣ୍ଡରେ ମାଷ୍ଟର ମାଇଣ୍ଡ ଥିଲା ରାମସୁ । ଘଟଣାସ୍ଥଳରୁ ଗୋଟିଏ ପିସ୍ତଲ ସହ ବିପୁଳ ପରିମାଣର ମାଓ ବିସ୍ଫୋରକ ଜବତ କରିଛି ପୋଲିସ । ଡିଆର୍ଜି ଯବାନଙ୍କ ଅପରେସନ ବେଳେ ଏହି ସଫଳତା ମିଳିଛି ।