

ସତ୍ୟଶିଖା(ଭୁବନେଶ୍ୱର) ୨୫.୧୧.୨୦୨୧: ନନ୍ଦନକାନନ ପ୍ରାଣୀ ଉଦ୍ୟାନର ୩୬ ନମ୍ବର (ଖ) ଖୁଆଡ଼ରେ ଥିବା ଚିଙ୍କାରା ହରଣଟି ମୃତ୍ୟୁବରଣ କରିଛି । ଜୟପୁର ରାଜସ୍ଥାନ ଚିଡ଼ିଆଖାନାରୁ ୨ଗୋଟି ବିରଳ ପ୍ରଜାତିର ଅଣ୍ଡିରା ଚିଙ୍କାରା ହରିଣ ନନ୍ଦନକାନନ ପ୍ରାଣୀ ଉଦ୍ୟାନକୁ ଅଣାଯାଇଥିଲା । ତେବେ ଗୋଟିଏ ହରିଣର ସ୍ୱାସ୍ଥ୍ୟ ଖରାପ ଥିବାରୁ ହରିଣଟିକୁ ସ୍ୱତନ୍ତ୍ର ଖୁଆଡ଼ରେ ରଖାଯାଇ ଚିକିତ୍ସା ଜାରି ରଖିଥିଲେ ।
ସ୍ୱାସ୍ଥ୍ୟ ଅବସ୍ଥା ଉନ୍ନତି ଘଟିବାରୁ ହରିଣଟିକୁ ପ୍ରାଣୀ ଉଦ୍ୟାନର ଖୁଆଡ଼ମଧ୍ୟରେ ଛଡ଼ା ଯାଇଥିଲା । ଖୁଆଡ଼ରେ ଏକାଧିକ ହରିଣ ଥିବାରୁ ପରସ୍ପର ମଧ୍ୟରେ ସଂଘର୍ଷ ହୋଇ ଉକ୍ତ ହରିଣଟିର ମୃତ୍ୟୁ ଘଟିଥିଲା । ସୂଚନା ଯୋଗ୍ୟ ଗତ ଅକ୍ଟୋବର ମାସ ୮ତାରିଖରେ ଜୟପୁର ରାଜସ୍ଥାନ ଚିଡିଆଖାନାରୁ ଅଦଳବଦଳ ପ୍ରକ୍ରିୟାରେ ୪ପ୍ରଜାତିର ୮ଜୀବଜନ୍ତୁ ଅଣାଯାଇଥିଲା । ୨ଟି କଲରାପତରିଆ ବାଘ(ଅଣ୍ଡିରା, ମାଈ), ୨ଟି ଧୂଷର ଗଧିଆ(ଅଣ୍ଡିରା, ମାଈ), ୨ଟି ଅଣ୍ଡିରା ଘଡ଼ିଆଳ କୁମ୍ଭିର ଓ ୨ ଅଣ୍ଡିରା ଚିଙ୍କାରା ହରିଣ ।