ସତ୍ୟଶିଖା ( କନ୍ଧମାଳ ) ୧୬ .୦୮.୨୦୨୦ : ଗଞ୍ଜେଇ ଚୋରାଚାଲାଣ ବେଳେ ବାଲିଗୁଡ଼ା ପୋଲିସ ପକ୍ଷରୁ ଚଢ଼ାଉ । ୩୫ କେଜି ଗଞ୍ଜେଇ ସହ ପିକଅପ ଭ୍ୟାନ ଜବତ କରାଯାଇଛି । ଘଟଣାରେ ଦୁଇ ଜଣ ଚାଲାଣକାରୀ ଗିରଫ କରିଛି ପୋଲିସ । ସୂଚନାନୁସାରେ, ପଟ୍ରୋଲିଂ ଚାଲିଥିବାବେଳେ ପୋଲିସକୁ ଦେଖି ଦୃତ ଗତିରେ ଯାଉଥିବା ଏକ ପିକଅପ ଭ୍ୟାନକୁ ପିଛା କରିଥିଲା ପୋଲିସ । ବାଲିଗୁଡ଼ା ଥାନା ଗୁମାପଦର ଛକ ନିକଟରେ ପିକଅପ ଭ୍ୟାନକୁ ଧରିବାରେ ସକ୍ଷମ ହୋଇଥିଲା ପୋଲିସ । ଏହି ଗଞ୍ଜେଇ ବାଲିଗୁଡ଼ା ଅଂଚଳରୁ ପୁରୀ ଜିଲ୍ଲାକୁ ଚୋରାଚାଲାଣ ହେଉଥିବା ପୋଲିସ ପକ୍ଷରୁ ସୂଚନା ମିଳିଛି । ସେପଟେ ଜବତ ଗଞ୍ଜେଇର ଆନୁମାନିକ ମୂଲ୍ୟ ଦେଢ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଆକଳନ କରାଯାଇଛି ।
