ଗୋଣ୍ଡା: କରୋନା ମହାମାରୀ ପାଇଁ ଦେଶରେ ଜାରି ହୋଇଥିବା ଲକଡାଉନ ଯୋଗୁ ଜଣେ ବ୍ୟକ୍ତି ଆତ୍ମହତ୍ୟା କରିଛନ୍ତି। ତେବେ ତାଙ୍କ ଆତ୍ମହତ୍ୟାର କାରଣ ଜାଣିଲେ, ଆପଣ ବି ଆଶ୍ଚର୍ଯ୍ୟ ହେବେ।
ଲକଡାଉନ ଯୋଗୁ ବ୍ୟକ୍ତିଙ୍କର ପତ୍ନୀ ତାଙ୍କ ବାପାଙ୍କ ଘରୁ ନ ଆସିପାରି ନଥିଲେ। ଫଳରେ ପତ୍ନୀଙ୍କୁ ଝୁରିଝୁରି ବ୍ୟକ୍ତି ଜଣଙ୍କ ଆତ୍ମହତ୍ୟା କରିଛନ୍ତି। ଉତ୍ତର ପ୍ରଦେଶର ଗୋଣ୍ଡା ଅନ୍ତର୍ଗତ ରାଧା କୁଣ୍ଡ ଅଞ୍ଚଳରେ ଏହି ଘଟଣା ଘଟିଛି।
ଆହୁରି ପଢ଼ନ୍ତୁ
ଆତ୍ମହତ୍ୟା କରିଥିବା ବ୍ୟକ୍ତିଙ୍କ ନାଁ ରାକେଶ ସୋନି ଓ ବୟସ ୩୨ ବର୍ଷ। ଦେଶରେ ଲକଡାଉନ ଜାରି ହେବାର କିଛି ଦିନ ପୂର୍ବରୁ ରାକେଶଙ୍କ ପତ୍ନୀ ତାଙ୍କ ବାପାଙ୍କ ଘରକୁ ଯାଇଥିଲେ। ତେବେ ହଠାତ୍ ଦେଶରେ ଲକଡାଉନ ଲାଗୁ ହୋଇଯିବାରୁ ସେ ଆଉ ସ୍ୱାମୀ ରାକେଶଙ୍କ ପାଖକୁ ଫେରି ପାରି ନଥିଲେ।
ରାକେଶ ମଧ୍ୟ ବାହାରକୁ ନ ଯାଇ ପାରି ପତ୍ନୀଙ୍କୁ ମିସ୍ କରିଥିଲେ। ଏସବୁ ଭିତରେ ସେ ପୂରା ଡିପ୍ରେସ ହୋଇଯାଇଥିଲେ। ଶେଷରେ ପତ୍ନୀଙ୍କୁ ଝୁରିଝୁରି ରାକେଶ ଆଜି ନିଜ ଘରେ ଥିବା ଫ୍ୟାନରେ ଦଉଡ଼ି ଲଗାଇ ଆତ୍ମହତ୍ୟା କରିଛନ୍ତି। ପୁଲିସ୍ ଖବର ପାଇ ମୃତଦେହକୁ ଜବତ କରିବା ସହ ଘଟଣାର ଅଧିକ ତଦନ୍ତ ଆରମ୍ଭ କରିଛି।
