ସତ୍ୟଶିଖା ୦୮ .୧୦.୨୦୨୦ : ଆଜି ପିଏମ ମୋଦିଙ୍କ କରୋନା ବିରୋଧରେ ଜନ ଆନ୍ଦୋଳନ l ଶୀତଦିନେ ଆସୁଥିବା ପର୍ବପର୍ବାଣି ଏବଂ ଥଣ୍ଡାରୁ କରୋନା ମହାମାରୀରୁ ରକ୍ଷା ପାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଜନ ଆନ୍ଦୋଳନ ଆରମ୍ଭ କରିବେ । ପ୍ରଧାନମନ୍ତ୍ରୀ ମୋଦି ଏକ ଟୁଇଟ୍ ମାଧ୍ୟମରେ ଏହି ଅଭିଯାନ ଆରମ୍ଭ କରିବେ । ଆଗାମୀ ପର୍ବ ଏବଂ ଶୀତ ଋତୁ ସହିତ ଅର୍ଥନୀତିକୁ ଫେରାଇ ଆଣିବା ପାଇଁ ଖୋଲାଯାଇଥିବା ବଜାର ସମେତ ଅନ୍ୟାନ୍ୟ ଜିନିଷକୁ ଧ୍ୟାନରେ ରଖି ଏହି ଅଭିଯାନ ଆରମ୍ଭ କରାଯାଇଛି ।
ଲୋକଙ୍କ ଅଂଶଗ୍ରହଣକୁ ଉତ୍ସାହିତ କରିବା ଉଦ୍ଦେଶ୍ୟରେ ଏହି ଅଭିଯାନ ଆରମ୍ଭ ହେବ । କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ କରୋନାରୁ ପ୍ରତିରକ୍ଷା ଅସ୍ତ୍ର ହେଉଛି ମାସ୍କ ପିନ୍ଧିବା, ସାମାଜିକ ଦୂରତା ପାଳନ କରିବା ଏବଂ ହାତ ଧୋଇବା । ଏହି ନୀତି ଅନୁସରଣ କରି ସର୍ବସାଧାରଣ ସ୍ଥାନରେ ଏହି ପଦକ୍ଷେପଗୁଡିକ ବିଷୟରେ ସଚେତନତା ସୃଷ୍ଟି କରିବା ପାଇଁ ଏକ ଅଭିଯାନ ଆରମ୍ଭ ହେବ ।
