ରେକର୍ଡସ୍ତରରେ ପହଞ୍ଚିଲା ଅଶୋଧିତ ତୈଳଦର ମାର୍ଚ୍ଚ ୧୦ ପରେ ମହଙ୍ଗା ହୋଇପାରେ ପେଟ୍ରୋଲ ଓ ଡିଜେଲ

ସତ୍ୟଶିଖା( ନୂଆଦିଲ୍ଲୀ )୦୭.୦୩.୨୦୨୨ : ରେକର୍ଡସ୍ତରରେ ପହଞ୍ଚିଲା ଅଶୋଧିତ ତୈଳଦର। ବ୍ୟାରେଲ ପିଛା ଅଶୋଧିତ ତୈଳ ଦର ୧୩୦ ଡଲାରରେ ପହଞ୍ଚିଛି। ୧୪ ବର୍ଷ ମଧ୍ୟରେ ତୈଳଦର ସର୍ବୋଚ୍ଚ ସ୍ତରରେ ପହଞ୍ଚିଥିବା ସୂଚନା ମିଳିଛି। ରୁଷ-ୟୁକ୍ରେନ୍‌ ଯୁଦ୍ଧ ଭିତରେ ପୁଣି ଅଶୋଧିତ ତୈଳ ଦର ବୃଦ୍ଧି ପାଇଥିବାରୁ ପେଟ୍ରୋଲ ଡିଜେଲ ଦର ଆହୁରି ମହଙ୍ଗା ହୋଇପାରେ ବୋଲି ଆଶଙ୍କା କରାଯାଉଛି। ଅପରପକ୍ଷରେ ଏବେ ଦେଶରେ ପେଟ୍ରୋଲ ଡିଜେଲ ଦର ସ୍ଥିର ରହିଛି। ତେବେ ଏହା ସ୍ଥିତି କମ୍‌ ଦିନ ପର୍ଯ୍ୟନ୍ତ ବଜାୟ ରହିପାରେ ବୋଲି ଆଶା କରାଯାଉଛି। ତେବେ ରେକର୍ଡସ୍ତରରେ ଅଶୋଧିତ ତୈଳଦର ବୃଦ୍ଧି ପାଉଥିବାରୁ ଆସନ୍ତା ସପ୍ତାହରେ ତୈଳ ଦରରେ ବଡ ଧରଣର ବୃଦ୍ଧି ହୋଇପାରେ ବୋଲି ଆକଳନ କରାଯାଉଛି। ମାର୍ଚ୍ଚ ୧୦ ପରେ ପେଟ୍ରୋଲ ଓ ଡିଜେଲ ମହଙ୍ଗା ହୋଇପାରେ ବୋଲି କୁହାଯାଉଛି।