କ୍ରିକେଟ୍‌ରୁ ସନ୍ନ୍ୟାସ ନେଲେ ପାର୍ଥିବ ପଟେଲ

ସତ୍ୟଶିଖା(ନୂଆଦିଲ୍ଲୀ) ୦୯/୧୨/୨୦୨୦ : କ୍ରିିକେଟ୍‌ରୁ ସନ୍ନ୍ୟାସ ନେଉଛନ୍ତି ବୋଲି ଘୋଷଣା କରିଛନ୍ତି ୱିକେଟ୍ କିପର ପାର୍ଥିବ ପଟେଲ । ବୁଧବାର ଏକ ସୋସିଆଲ ମିଡିଆ ପୋଷ୍ଟରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଏହି ଖେଳାଳି ନିଜର ଅବସର ନେବା ସଂପର୍କରେ ଘୋଷଣା କରିଛନ୍ତି । ସେ ସମସ୍ତ ଶ୍ରେଣୀର କ୍ରିକେଟ୍‌ରୁ ଅବସର ନେଉଥିବା ସୂଚନା ରହିଛି । ପାର୍ଥିବ ଦୀର୍ଘ ୧୮ ବର୍ଷ ଧରି କ୍ରିକେଟ୍ ଦୁନିଆରେ ସକ୍ରିୟ ରହିଥିଲେ । ପାର୍ଥିବ ତାଙ୍କ କ୍ୟାରିୟର୍‌ ମଧ୍ୟରେ ୨୫୫ଟି ‌ଟେଷ୍ଟ‌ ମ୍ୟାଚ୍‌, ୩୮ଟି ଦିନିକିଆ ମ୍ୟାଚ୍‌ ଓ ୨ଟି ଟି୨୦ ଇଣ୍ଟର୍‌‌ନେସ୍‌ନାଲ୍‌ ମ୍ୟାଚ୍‌ରେ ଟିିମ୍‌ ଇଣ୍ଡିଆର ପ୍ରତିନିଧିତ୍ବ କରିଛନ୍ତି ।ସେ ତାଙ୍କର ଶେଷ ଟେଷ୍ଟ୍‌ ୨୦୧୮ ମସିହାରେ ଜୋହାନସ୍‌ବର୍ଗଠାରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିିଥିଲେ । ୩ ମାସ ପରେ ନିଜର ୩୬ତମ ଜନ୍ମଦିନ ପାଳନ କରିବାକୁ ଯାଉଥିବା ପାର୍ଥିବ ନିଜ ଟ୍ବିଟର୍‌ ଓ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟ୍‌ରେ ପୋଷ୍ଟ୍‌ କରି‌ ଲେଖିଥିଲେ, ‘ମୁଁ ଆଜି କ୍ରିକେଟ୍‌ ଦୁନିଆରୁ ବିଦାୟ ନେଉଛି । ଅତ୍ୟନ୍ତ ଭାରୀ ମନରେ ନିଜର ୧୮ ବର୍ଷର କ୍ରିକେଟ୍‌ ଯାତ୍ରାରେ ଏଇଠି ପୂର୍ଣ୍ଣଛେଦ ପକାଉଛି । ’ସୌରଭ ଗାଙ୍ଗୁଲୀ ଟିମ୍‌ ଇଣ୍ଡିଆର ଅଧିନାୟକ ଥିିବା ସମୟରେ ୧୭ ବର୍ଷ ବୟସରେ ଷ୍ଟେଟ୍‌ କ୍ରିକେଟ୍‌ରେ ଡେବ୍ୟୁ କରିଥିଲେ ପାର୍ଥିବ । ସେ ତାଙ୍କ କ୍ରିକେଟ୍‌ କ୍ୟାରିୟର୍‌ରେ ସମୁଦାୟ ୯୩୪ ରନ୍‌ ବନାଇଛନ୍ତି । ସେଥିମଧ୍ୟରୁ ୬ ଅର୍ଧଶତକ ସାମିଲ୍‌ ରହିଛି ।