ସତ୍ୟଶିଖା ୧୫ .୦୯.୨୦୨୦ : ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ(ଓୟୁଏଟି) ସ୍ନାତକ(ୟୁଜି)ପାଠ୍ୟକ୍ରମରେ ନାମଲେଖା ପାଇଁ ଅକ୍ଟୋବର ୧୧ରେ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ । କରୋନା ସ୍ଥିତିକୁ ଦୃଷ୍ଟିରେ ରଖି ଏଥର ପରୀକ୍ଷା କେନ୍ଦ୍ର ସଂଖ୍ୟା ବୃଦ୍ଧି କରିବା ପାଇଁ ବିଶ୍ୱବିଦ୍ୟାଳୟ ପକ୍ଷରୁ ନିଷ୍ପତ୍ତି ନିଆଯାଇଛି । ୨୦୨୦-୨୧ ଶିକ୍ଷାବର୍ଷରେ କୃଷି, ବନ, କୃଷି ଯାନ୍ତ୍ରିକ, ପ୍ରାଣୀ ଚିକିତ୍ସା ପରି ୯ଟି ମହାବିଦ୍ୟାଳୟର ସ୍ନାତକ ପାଠ୍ୟକ୍ରମରେ ନାମଲେଖା ପାଇଁ ୩୩ ହଜାର ୩୫ ଜଣ ଛାତ୍ରଛାତ୍ରୀ ଆବେଦନ କରିଛନ୍ତି ।
ରାଜ୍ୟର ୨୪ଟି ସହରରେ ପ୍ରାୟ ୯୦ଟି ପରୀକ୍ଷା କେନ୍ଦ୍ର କରିବା ପାଇଁ ବିଶ୍ୱବିଦ୍ୟାଳୟ ପକ୍ଷରୁ ଯୋଜନା ହୋଇଛି । ମଙ୍ଗଳବାରଠାରୁ ଛାତ୍ରଛାତ୍ରୀ ବିଶ୍ୱବିଦ୍ୟାଳୟ ୱେବ୍ସାଇଟ୍କୁ ଲଗ୍ଇନ୍ କରି ଫର୍ମ ‘ବି’ ପୂରଣ କରିପାରିବେ । ସେପ୍ଟେମ୍ବର ୩୦ ସୁଦ୍ଧା ଫର୍ମ ଦାଖଲ କରିପାରିବେ । ସେହିପରି ପିଜି ପାଠ୍ୟକ୍ରମର ଆବେଦନ ମଧ୍ୟ ୩୦ ତାରିଖରେ ଶେଷ ହେବ ।
ସମ୍ବନ୍ଧିତ ଖବର
-
-
-
-
-
-
-
-
-
-
