ସତ୍ୟଶିଖା ( ଭୁବନେଶ୍ୱର ) ୦୪/୧୨ /୨୦୨୧: ମମିତା ପ୍ରସଙ୍ଗରେ କଂଗ୍ରେସ ଓ ବିଜେପିର ପୁଣି ହୋ ହଲା । ସୋମବାର ପର୍ଯ୍ୟନ୍ତ ଗୃହକୁ ମୁଲତବୀ ଘୋଷଣା କଲେ ବାଚସ୍ପତି । ଚତୁର୍ଥ ଦିନରେ ମାତ୍ର 3 ମିନିଟ୍ ପର୍ଯ୍ୟନ୍ତ ଚାଲିଲା ଗୃହ ।
ଲଗାତାର ଚତୁର୍ଥ ଦିନରେ ବି ଗୃହରେ ମମିତା ତାତି । ଗୃହ ଭିତରେ ଗଙ୍ଗାଜଳ ଛିଞ୍ଚିଲା କଂଗ୍ରେସ । ଗୃହ ଆରମ୍ଭ ହେବାମାତ୍ରେ ମଧ୍ୟଭାଗକୁ ଆସି ହାତରେ ପ୍ଲାକାଡ୍ ଧରି କଂଗ୍ରେସ ହଟ୍ଟଗୋଳ କରିଥିଲା । ଗୃହ ଭିତରେ ଗଙ୍ଗାଜଳ ପକାଇ, ଘଣ୍ଟ ବାଡେଇ ପ୍ରତିବାଦ କରିଥିଲା କଂଗ୍ରେସ । ବ୍ରାହ୍ମଣ ବେଶରେ ଆସି ଗଙ୍ଗାଜଳ ଛିଞ୍ଚିଥିଲେ କଂଗ୍ରେସ ବିଧାୟକ ତାରାପ୍ରତାଦ ବାହିନୀପତି । ସେହିପରି ବିଜେପି ମଧ୍ୟ ମମିତା ପ୍ରସଙ୍ଗରେ ପ୍ରତିବାଦ କରିଛି । ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରିଛନ୍ତି ବିରୋଧୀ ।
ବିରୋଧୀଙ୍କ ହଟ୍ଟଗୋଳ ଭିତରେ ଅପରାହ୍ନ 4ଟା ଯାଏଁ ବିଧାନସଭାକୁ ମୁଲତବି ଘୋଷଣା କରିଥିଲେ ବାଚସ୍ପତି । ଏହାପରେ ଗୃହ ଆରମ୍ଭ ହୋଇଥିଲା । ହେଲେ ପୁଣି ବିରୋଧୀ ହୋ ହଲ୍ଲା କରିବାରୁ ସୋମବାର ଯାଏଁ ଗୃହ ମୁଲତବି କଲେ ବାଚସ୍ପତି ।
