ବଡ ଦାଣ୍ଡରେ ମୁକୁଳା ଡ୍ରେନ୍ ନେଲା ଜୀବନ

ସତ୍ୟଶିଖା (ପୁରୀ ) ୧୮.୦୫.୨୦୨୨: ପୁରୀ ବଡ ଦାଣ୍ଡରେ ମୁକୁକା ଡ୍ରେନରେ ପଡି ଯୁବକଙ୍କ ମୃତ୍ୟୁ ହୋଇଥିବା ଘଟଣା ସାମ୍ନାକୁ ଆସିଛି । ପୁରୀ ବଡଦାଣ୍ଡର ମାର୍କେଟ ଛକ ନିକଟରେ ଥିବା ମୁକୁଳା ଡ୍ରେନରେ ପଡି ଯିବାରୁ ଏଭଳି ହୋଇଛି ବୋଲି ସ୍ଥାନୀୟ ଲୋକେ କହୁଛନ୍ତି । ଘଟଣାସ୍ଥଳରେ କୁମ୍ଭାରପଡା ପୋଲିସର ଛାନଭିନ୍ ଜାରି ରହିଛି ।  ଉକ୍ତ ଯୁବକଙ୍କୁ କେହି ହତ୍ୟା କରିଦେଇ ଫିଙ୍ଗିଦେଇଛି ନା ଯୁବକ  ଜଣଙ୍କ  ଡ୍ରେନରେ ପଡି ତାଙ୍କର ମୃତ୍ୟୁ ହୋଇଛି, ଏ ବିଷୟରେ ପ୍ରକୃତ ତଥ୍ୟ ଜାଣିବା ପାଇଁ ପୋଲିସ୍ ତଦନ୍ତ ଜାରି ରଖିଛି । ଏଯାଏ ଯୁବକଙ୍କ ପରିଚୟ ମିଳିପାରିନାହିଁ ।

ଅନ୍ୟପଟେ ସ୍ଥାନୀୟ ଲୋକମାନେ ବଡଦାଣ୍ଡରେ ମୁକୁଳା ଡ୍ରେନକୁ ନେଇ ପ୍ରଶ୍ନ ଉଠାଇଛନ୍ତି । ଡ୍ରେନ ସଫା ହେଲା ପରେ ଡ୍ରେନଗୁଡିକ ବନ୍ଦ ନକରାଯାଇ କାହିଁକି ମୁକୁଳା ପଡିଛି ବୋଲି ଅଭିଯୋଗ କରିଛନ୍ତି । ଏହାସହିତ ଆହୁରି ମଧ୍ୟ କରିଛନ୍ତି ଯେ, ଏହି ଡ୍ରେନର ଗଭୀରତା ୫/୬ ଫୁଟ ହେବ ।  ଏହି ବାଟ ଦେଇ ରାତିରେ ଅନେକ ବୟସ୍କ ଲୋକ ଓ ଛୋଟ ପିଲାମାନେ ଯାଉଛନ୍ତି । ଯଦି କେହି ପଡିଯାଆନ୍ତି, କିଏ ଦାୟୀ ରହିବ ବୋଲି ପ୍ରଶ୍ନ କରିଛନ୍ତି ।