ସତ୍ୟଶିଖା( ମୁମ୍ୱାଇ )୧୯.୧୦୨୦୨୨: ବଲିଉଡରେ ସୁନ୍ଦରୀ ମହିଳାଙ୍କ କଥା ଉଠିଲେ ପ୍ରଥମେ ନାଁ ମୁହଁରେ ଆସେ, ଐଶର୍ୟ୍ୟା ରାୟ । ଏହି ନୀଳନୟନା ତଥା ବଚ୍ଚନ ପରିବାରର ବୋହୂ ଐଶ୍ୱର୍ୟ୍ୟା ରାୟଙ୍କୁ ଦୁନିଆର ସବୁଠୁ ସୁନ୍ଦର ସୁନ୍ଦରୀ ଭାବରେ ଗଣାଯାଏ । ହେଲେ ଏବେ ଲାଗୁଛି ଆଉ ଚାଲୁନି ଏହି ସୁନ୍ଦରୀଙ୍କ ରାଜ୍ । ଏବେ ସେ ଏହି ଦୌଡରେ ପଛରେ ପଡିଗଲେଣି । ନିକଟରେ ଦୁନିଆର ସବୁଠାରୁ ସୁନ୍ଦର ଅଭିନେତ୍ରୀଙ୍କ ତାଲିକା ପ୍ରକାଶ ପାଇଛି । ଯେଉଁଥିରେ ଐଶ୍ୱର୍ଯ୍ୟାଙ୍କ ନାମ କୌଣସି ପୋଜିସନରେ ନାହିଁ । କିନ୍ତୁ ଅନ୍ୟ ଏକ ବଲିଉଡ ଅଭିନେତ୍ରୀ ଏହି ତାଲିକାରେ ସ୍ଥାନ ପାଇଛି । ଦୁନିଆର ଶ୍ରେଷ୍ଠ ୧୦ ଜଣ ସୁନ୍ଦର ମହିଳାଙ୍କ ତାଲିକା ପ୍ରକାଶ ପାଇଛି । ସେହି ଦୌଡରେ ଅଛନ୍ତି ବଲିଉଡ ଅଭିନେତ୍ରୀ ଦୀପିକା ପାଦୁକୋନ । ନିକଟରେ ବିଜ୍ଞାନ ଅନୁଯାୟୀ ଦୁନିଆର ସବୁଠୁ ସୁନ୍ଦର ମହିଳାଙ୍କ ତାଲିକା ପ୍ରକାଶ ପାଇଛି । ଯେଉଁଥିରେ ହଲିଉଡ ଅଭିନେତ୍ରୀ ଯୋଡି କୋମର ଏକ ନମ୍ବରରେ ଅଛନ୍ତି । ଏଥି ସହିତ ବଲିଉଡ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ଏହି ତାଲିକାରେ ସ୍ଥାନ ପାଇବାରେ ସଫଳ ହୋଇଥିଲେ । ସେମାନଙ୍କ ବ୍ୟତୀତ ଏହି ତାଲିକାରେ ବିୟୋନ୍ସ ଏବଂ କିମ୍ କାରଦାସିୟାନ୍ ମଧ୍ୟ ସ୍ଥାନ ପାଇଛନ୍ତି ।
