ନୂଆଦିଲ୍ଲୀ: କରୋନା ଲକ୍ଡାଉନ୍ ଭିତରେ ଭାରତୀୟ ସିନେମା ଜଗତକୁ ଗୋଟିଏ ପରେ ଗୋଟିଏ ଝଟକା ଲାଗି ଚାଲିଛି। ଏପ୍ରିଲ ୨୯ରେ ଇର୍ଫାନ ଖାନ ଓ ୩୦ରେ ଋଷି କପୁର ପ୍ରାଣ ହରାଇଥିବା ବେଳେ ଆଜି ଜଣେ ବଲିଉଡ ଫିଲ୍ମ ପର୍ସନାଲିଟିଙ୍କର ପରଲୋକ ହୋଇଛି।
ଦୀର୍ଘ ୩ ଦଶନ୍ଧି ଧରି ଫିଲ୍ମ ଇଣ୍ଡଷ୍ଟ୍ରୀରେ ଥିବା ‘ଦି ଫିଲ୍ମ ଆଣ୍ଡ ଟେଲିଭିଜନ୍ ପ୍ରଡ୍ୟୁସର୍ ଗିଲ୍ଡ ଅଫ୍ ଇଣ୍ଡିଆ’ର ସିଇଓ କୁଲମୀତ ମକ୍କଡଙ୍କର ଆଜି ପରଲୋକ ହୋଇଛି। ଧର୍ମଶାଳାରେ ଥିବା ବେଳେ ହୃଦଘାତରେ ତାଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳଙ୍କୁ ତାଙ୍କୁ ୬୦ ବର୍ଷ ବୟସ ହୋଇଥିଲା। ତାଙ୍କ ବିୟୋଗରେ ଅନେକ ନିର୍ଦ୍ଦେଶକ, ପ୍ରଯୋଜକ ଓ ଅଭିନେତା ଗଭୀର ଦୁଃଖ ପ୍ରକାଶ କରିଛନ୍ତି।
କରନ ଜୋହର, ବିଦ୍ୟାବଲାନ, ସୁବାଷ ଘାଇ, ରମେଶ ସିପ୍ପୀ, ଫରହାନ ଅଖତର, ଏକତା କାପୁରଙ୍କ ଭଳି ବଲିଉଡ୍ର ଅନେକ ଷ୍ଟାର୍ ତାଙ୍କ ପରଲୋକକୁ ସହଜରେ ଗ୍ରହଣ କରିପାରିନାହାନ୍ତି। ସେମାନେ ମକ୍କଡ଼ଙ୍କ ବିୟୋଗରେ ମର୍ମାହତ ହୋଇଥିବା ଟ୍ୱିଟ କରିଛନ୍ତି।
ଆହୁରି ପଢ଼ନ୍ତୁ
ସାରେଗାମା କାର୍ଯ୍ୟକ୍ରମ ଠାରୁ ଆରମ୍ଭ କରି ରିଲିୟାନ୍ସ ଏଣ୍ଟର୍ଟେନ୍ମେଣ୍ଟରେ ବି କାର୍ଯ୍ୟକରିଛନ୍ତି କୁଲମୀତ। ଏଥିସହିତ ସେ ବିଗ୍ ମ୍ୟୁଜିକ୍ ଆଣ୍ଡ ହୋମ୍ ଏଣ୍ଟର୍ଟେନ୍ମେଣ୍ଟ ସଂସ୍ଥାପକ ଓ ସିଇଓ ଥିଲେ। ଶ୍ରେୟା ଏଣ୍ଟର୍ଟେନ୍ମେଣ୍ଟର ଅଧ୍ୟକ୍ଷ ଭାବେ କାର୍ଯ୍ୟ କରିଥିଲେ। ୨୦୧୦ରେ ସେ ପ୍ରଡ୍ୟୁସର ଗିଲ୍ଡର ସିଇଓ ଭାବେ ଯୋଗ ଦେଇଥିଲେ।
୧୯୮୯ରେ କୁଲ୍ମୀତ ସାରେଗାମା ଇଣ୍ଡିଆ ଲିମିଟେଡ୍ର ସଙ୍ଗୀତ ବ୍ୟାପାର ବିଭାଗରେ ଚିପ୍ ଏକ୍ଜିକ୍ୟୁଟିଭ୍ ଭାବରେ କାମ ଆରମ୍ଭ କରିଥିଲେ। ଏଠାରେ ପାଖାପାଖି ୧୮ ବର୍ଷ ଦାୟିତ୍ୱ ସମ୍ଭାଳିବା ପରେ ୨୦୦୭ରେ ରିଲାଏନ୍ସ ବିଗ୍ ମ୍ୟୁଜିକ୍ ଆଣ୍ଡ ହୋମ୍ ଏଣ୍ଟର୍ଟେନ୍ମେଣ୍ଟରେ ଚିଫ୍ ଏକ୍ଜିକ୍ୟୁଟିଭ୍ ଅଫିସର୍ ଭାବରେ ୩ ବର୍ଷ କାର୍ଯ୍ୟ କକରିଥିଲେ। ୨୦୧୦ରେ ସେ ପ୍ରଡ୍ୟୁସର୍ ଗିଲ୍ଡ ଅଫ୍ ଇଣ୍ଡିଆ ସିଇଓ ଭାବେ ଦାୟିତ୍ୱ ସମ୍ଭାଳିଥିଲେ।
ଏହି ସମୟରେ ଫିଲ୍ମ ଓ ଟେଲିଭିଜନ ବିଭାଗରେ ବ୍ୟବସାୟିକ ଲାଭ, ପଲିସି ତିଆରି କରିବା ଭଳି ଅନେକ କାର୍ଯ୍ୟ କରିଛନ୍ତି। ସିନେ ଇଣ୍ଡଷ୍ଟ୍ରିକୁ ବ୍ୟବସାୟିକ ଫାଇଦା ଦେବା ସହିତ ଲୋକପ୍ରିୟ କରାଇବା ଦିଗରେ କୁଲ୍ମୀତ ହାତ ରହିଛି।
